ପଙ୍ଗୁ ଲଂଘୟତେ ଗିରି

ଜୟ ନୀଳାଚଳ ନାଥ ଅଗତିର ଗତି l

ଜୟ ମାନ ଉଦ୍ଧାରଣ ପ୍ରଭୁ ରମାପତି ll

ଆହେ ପାଣ୍ଡଵ ରକ୍ଷକ କଳାକର ମୁଖ l

ତୁମ୍ଭ ଭକତିରେ ପ୍ରାଣୀ ଲଭେ ସର୍ବସୁଖ ll

ପଦ୍ମ ପଳାଶ ନୟନ ଆହେ ପଦ୍ମମୁଖ l

ମୁଖ ଦରଶନେ ପାପ ନ ରହଇ ପାଖ ll

ନେତ ଉଡ଼ାଇଛ ପ୍ରଭୁ ପତିତପାବନ l

ପତିତ ଜନର ପ୍ରଭୁ ଦୁଃଖ ନିବାରଣ ll

ମୃଗୁଣୀ ପାଞ୍ଚାଳୀ ଡାକ ଆରତରେ ହରି l

ବିପଦରୁ ପାରି କଲ ମୁକୁନ୍ଦ ମୁରାରୀ ll

ଇଚ୍ଛାମୟ ହରି ତୁମେ ଇଚ୍ଛାରେ ବିହର l

ଦୁର୍ବାଦଳ କରିପାର ଦ୍ରୁମ ତରୁ ବର ll

ତୁମ୍ଭ କୃପାବଳେ ପଙ୍ଗୁ ଲଙ୍ଘିଯାଏ ଗିରି l

ତୁମ୍ଭ ବଳେ କପି ଗଲେ ମହାସିନ୍ଧୁ ତରି ll

ମୂକ ହୁଅଇ ବାଚାଳ ତୁମ୍ଭ କୃପା ଲଭି l

କାଳିଦାସ ଶାରଳା ହୋଇଲେ ମହାକବି ll

ଅନ୍ଧର ଲଉଡ଼ି ତୁମେ ଅନ୍ଧାରେ ନୟନ l

ଢକା ବାଜେ ବକାରୀ ହେ ଶ୍ରୀଚକାନୟନ ll 

ମହିମା ବର୍ଣ୍ଣନେ ତୁମ୍ଭ ଅଛି କେ ସମର୍ଥ l

ମାତ୍ର ନାମ ଉଚ୍ଚାରଣେ ଲାଭ ପରମାର୍ଥ ll