ପଖାଳ

ଗ୍ରୀଷମ ଆଗମେ ମହୀ ତାପ ତୀବ୍ର

ଧରାବୁକୁ ଝଞ୍ଜା ମୟ

ଚଷl ଭାଇ ଖରlଟିଆ ଚାଷ ପାଇଁ

କାମରେ ଲଗାଏ ଲୟ l

ଦେହେ ତାର ବଳ ହେବାକୁ ପ୍ରବଳ

ପଖାଳ କଂସା ତା'ସାଥି

କେଉଁ ଆଦିମ କାଳରୁ ଏହି ପ୍ରଥl

କିବା ଦିନ ଆଉ ରାତି l

ପଖାଳ ସହିତ କାଳିଆ ସମ୍ପର୍କ

ଟଙ୍କ ତୋରାଣି ନାମରେ

ଥରେ ଅlସ୍ୱାଦିଲେ ପୁନଃ ଇଚ୍ଛା ହୁଏ

ଭକ୍ତ ମନ ଯାହା ଝୁରେ l

ପଖାଳ ସହିତ ଦହି ଯୋଗ କରି

କଞ୍ଚାଲଙ୍କା ବଡ଼ି ଭଜା

କାକୁଡିଟେ ହେଲେ କଥାତ ସରିଲା

ଟିକେ ଥାଉ ଶାଗ ଭଜା l

ମାଆ ହାତ ରନ୍ଧା ବାସି ପଖାଳ ଯେ

ମହ ମହ ବlସୁଥାଏ

ମାଟି ହାଣ୍ଡି ଭାତ ସୁଆଦ ବହୁତ

ହିଡ଼ ମୁଣ୍ଡେ ଚଷା ଖାଏ l

ଗରିବର ବଳ ପଖାଳ ଭାଇରେ

ବେଶୀ ଖର୍ଚ୍ଚ ହୁଏ ନାହିଁ

ଖଟିଖିଆ ମଜୁରିଆ ଜୀବନକୁ

ପଖାଳ ଥାଏ ଜଡ଼ାଇ l

ଆଳୁ ପୋଡ଼ା ସାଥେ ରସୁଣ ପାଖୁଡେ

ଟିକେ ଅଳ୍ପଧିକ ଲୁଣ

ଖାଇଦେଲେ ଭାଇ ପେଟ ପୂରିଯାଏ

ତୋଡ଼ାଣି ଟିକିଏ ଅlଣ l

ସେକାଳ ପଖାଳ ଆଉ ନାହିଁ ଭାଇ

ବିରିୟାନୀ ଏବେ ଭରା

ଯେତେ ବିରିୟାନୀ ଖାଉଥାରେ ପୁଅ

ରୋଗ ଖାଲି ପେଟ ସାରା l

ନିରୋଗ ଖାଦ୍ୟଟେ ପଖାଳ ଅଟଇ

ବଇଦର ମତ ଅଛି

ଏବେ ପଶ୍ଚିମରେ ପାଖଳ ଖୋଜନ୍ତି

କି ମହତ ତାରେ ବାଛି l