ଭୁଲ ଠିକ୍ ଖୋଜିବା କଅଣ

ସମସ୍ୟା ଜୀବନର ସାଥେ ସାଥେ

ଧାଇଁ ଥାଏତ

ସମସ୍ୟା, ଯେତେ ଚେଷ୍ଟା କଲେ 

ଜୀବନେ ଆସିବତ ।

ସମସ୍ୟା ସର୍ବଦା ଅଟେ ସମୟ 

ସମୟର ଖେଳ

ଦୁଃଖ ସୁଖ ଦୁନିଆରେ ତାହା

ପାଇଁ କିଆଁ ଭାଳ ।

ଅନ୍ତିମ ସମୟ ଆସିବ, ଜୀବନ 

ହୋଇବ ଲୀନ

ସମୟର ସାଥେ ସତ୍ୟ ପଥରୁ

ହେବାନି ପରିବର୍ତ୍ତନ ।

ରଖିବା ଭାବ, ଏକାଠି ବଞ୍ଚିବା 

ଏକାଠି ସଞ୍ଚିବାର 

କିଏ ପର କିଏ ଆପଣାର, ତାହା 

ଚିହ୍ନିବା ଦରକାର ।

   

ଛାଇ ନିଦେ ଛନକା ପଶିଲେ ମନ 

ଯେହ୍ନେ ହୁଏ ଛନ ଛନ,

ସ୍ୱାର୍ଥପର ହୋଇଲେ ସେମିତି ହବା

ଭୁଲ ଠିକ୍ ଖୋଜିବା କଅଣ ।

ମହୁମାଛି ପରି ଗୁଣକୁ ଆମର ଯଦି

ଦେବାରେ ଭରି 

ସମୟର ସାଥେ ସମସ୍ତେ ବଦଳି ଚଳି

ପାରିବା ଖୁସି ଭରି ।

ମିଳି ଶରଧାରେ ଯଦି ଚାଲିବା ସମ୍ପର୍କ

ହୋଇବ ଅଛିଣ୍ଡା ଡୋରି

ସମ୍ପର୍କ ସମୟର ସହିତ ଏମିତି ଚିଜଟେ

ଥରେ ଭାଂଗିଲେ ଆସେନି ଫେରି ।