ପିତାଙ୍କ କଥା

ପିତା ଙ୍କ କଥା ଅନେକ ବେଳେ

ଲାଗଇ ସିନା ପିତା,

ଆମରି ହିତ ପାଇଁକି ସିଏ

କହନ୍ତି କଡା କଥା ।

ପିତା ଙ୍କ ଚିନ୍ତା ପରିବାର ମୁହେଁ

କେମିତି ଦେବି ଦାନା,

ମା କାନ୍ଦିଦିଏ ଦୁଃଖ ପଡ଼ିଲେ

ପିତାଙ୍କୁ କାନ୍ଦିବା ମନା ।

ମନରେ ରଖି ଅସୀମ ବ୍ୟଥା

ଓଠରେ ଥାଏ ହସ,

ଦୁଃଖ ଗରଳ ପାନ କରି ସେ

ଦିଅନ୍ତି ସୁଧା ରସ ।

ଉପରେ ଉପରେ କଠୋର ସିଏ

ହୃଦୟ ଟା କୋମଳ,

ତାଙ୍କ ସ୍ଵଭାବ ଶାନ୍ତ ସୁନ୍ଦର

ଯେମିତି ନାରିକେଲ ।

ଯିଏ ବି ଯେତେ କଲେ ଉନ୍ନତି

ପିତାଙ୍କୁ ନ ପାସୋର,

ସେହି ପିତାଙ୍କ ସ୍କନ୍ଦେ ଠିଆ

ହୋଇଛି ଅତୀତ ତୋର ।

ପିତାଙ୍କ ତ୍ୟାଗ କଳନା ନାହିଁ ତା

ତାହା ଯେ ଅମୂଲ ମୂଲ,

ହୋଇବୁ ଯେବେ ପିତା ନିଜେ ତୁ

ସେ କଥା ବୁଝିବୁ ଭଲ ।