ବୃକ୍ଷଆଜି କହେରେ

ମୁଁ,

ବୃକ୍ଷ ଆଜି କହେ ରେ

ତୁମ କୁ ଦିଏ ଅମ୍ଳଜାନ ମୁଁ

ଯାହା ଅମୃତ ତୁମ ପାଇଁ,

ତୁମେ ନ ବୁଝ ଏହି ଉପକାର

କାଟି ଦିଅ ମୋତେ ସ୍ବାର୍ଥ ପାଇଁ ରେ ।

ମୁଁ,

ବୃକ୍ଷ ଆଜି କହେ ରେ

ଗ୍ରୀଷ୍ମ ଦିନେ ବାଟୋଇ ଯେବେ

ମୋହରି ତଳେ ବସେ,

ତାକୁ ଦେଇ ମୁଁ ଛାଇ ଟିକକ

ମୋର ହୃଦୟ ହସେ ରେ ।

ମୁଁ,

ବୃକ୍ଷ ଆଜି କହେ ରେ

ମୋହରି କାଠ,ଫୁଲ ଓ ଫଳ

କେତେ କାମ ରେ ଆସେ,

ମତେ କାଟିବା ଆଗରୁ ତୁମ

ମନରେ ଦୟା କି ଆସେ?

ଆଉ ଅଧିକ କହିବି ନାହିଁ

କେବଳ ଏତିକି କହିବି ଶେଷରେ

ମୋ ପାଇଁ ତୁମେ ନ ଭାବିଲେ ନାହିଁ

ନିଜ ପାଇଁ ଟିକେ ଭାବରେ

ମୁଁ,

ବୃକ୍ଷ ଆଜି କହେ ରେ ।