ଲୁହ ଦେବ ତ ଝରାଇ

ଜୀବନର ଅଦେଖା,

ଅଜଣା ପଥରେ

ଦେଖା ହୋଇଗଲା

ବନ୍ଧୁ ତୁମ ସାଥିରେ ।

ପ୍ରଥମେ ଥିଲ ତୁମେ

ଅଚିହ୍ନା ଅଜଣା ମୋ ପାଇଁ,

ଆଉ ଆଜି ତୁମ ଓ ମୋ

ଭିତରେ ଭିନ୍ନତା କିଛି ନାହିଁ ।

ଆଗେ ଚାଲୁଥିଲି ଏକାକୀ

ଶୂନ୍ୟତାର ପଥରେ,

ସବୁ ଶୂନ୍ୟତା ମିଲାଇଗଲା

ତୁମ ସହ ପରିଚୟ ପରେ ।

ଜୀବନ ଯଜ୍ଞ ର ପ୍ରତିଟି ଅଭିନୟ

ଛାପି ହୋଇଯିବ ସ୍ମୃତି ହୋଇ,

ରହିଲା ମୋ ରାଣ ବନ୍ଧୁରେ

ଦେବ ନାହିଁ ସେ ସ୍ମୃତି କୁ ହଜେଇ ।

ମନ କେବେ ଯଦି ହୁଏ, ବେଳ ଯଦି ପାଅ

ବନ୍ଧୁ , ଅତୀତର ପୃଷ୍ଠା କୁ ଦେବ ଓଲଟାଇ,

ମନେ ପକାଇ ସେ ସ୍ମୃତି ସବୁକୁ

ଦି ବୁନ୍ଦା ଲୁହ ଦେବ ତ ଝରାଇ ।