ପିତାମାତାଙ୍କୁ ଭକ୍ତି
ପିତାମାତାଙ୍କୁ ଭକ୍ତି
ପିତା ମାତା ମୋର ପରମ ଈଶ୍ବର
ଜନ୍ମଦାତା ସିଏ ମୋର
ତାଙ୍କରି ସେବାରେ ଚାରିଧାମ ପ୍ରାପ୍ତି
ମିଳଇ ବୈକୁଣ୍ଠ ପୁର ।
ସିଏ ମୋ ଜନ୍ମଦାତା ମୋ ପରିଚୟ
ତାଙ୍କରି ଚରଣେ ମୋ ଭକ୍ତି ଚନ୍ଦନ
ତାଙ୍କ ଆଶିଷେ ଜୀବନ ରାସ୍ତାରେ
ସଫଳତା ମିଳେ କ୍ଷଣ ପ୍ରତିକ୍ଷଣ ।
ଦଶମାସ ଦଶ ଦିନ ଜଠରେ ଧରିଣ
ଧରାପୃଷ୍ଠେ ଜନମ ଦେଇଛି ଯିଏ
ଅନେକ ଯନ୍ତ୍ରଣା ଦୁଃଖକଷ୍ଟ ସହି
ଦୁନିଆ ମାଟିରେ ମଣିଷ କରିଛି ସିଏ ।
ମାଆ ପରି କେହି ଏ ଜଗତେ ନାହିଁ
ତା'ର ସମାନ ନୁହନ୍ତି କେବେ
ଶତ ଜନମରେ ମାଆର ରୁଣକୁ
ଚାହିଁ ସୁଝି ପାରିବାନି କେବେ ।
ସ୍ନେହ ମମତାର ବେଗ ଆବେଗକୁ
ମା ବୁଝି ପାରୁଥାଏ ସହଜେ
ଆମ ଚେତନାରେ ବେଦନାରେ ମା
ଅହରହ ଗୁଞ୍ଜରିତ ହୋଇ ବାଜେ ।
ବାପ ଥିଲା ପୁଅ ସଭାରେ ହାରେନା
ଭଲ ଭାବେ ସମସ୍ତେ ଜାଣନ୍ତି ଏକଥା
ଛାଇ ପରି ସାଥେ ସଦା ଚାଲିଥାନ୍ତି
ସିଏ ପିତା ପରା ଆମ ପାଳନ କର୍ତ୍ତା ।
ସଫଳ ଜୀବନ ଗଢିବାର ବିନ୍ଧାଣି ସିଏ
ଭୁଲକୁ ପରଖି ସଠିକ୍ କରନ୍ତି ଗଠନ
ଲକ୍ଷ୍ୟ ଓ ଆଦର୍ଶର ବିଶ୍ବକର୍ମା ସିଏ
ପଥର ଚଟାଣ ପରି ଶକ୍ତ ଧୈର୍ଯ୍ୟ ଚିନ୍ତନ।
ଭୁଲିଯିବା ପଛେ ସବୁ କିଛି ଆମେ
ଭୁଲି ବାନି କେବେ ପିତାମାତାଙ୍କୁ
ତାଙ୍କମନେ କେବେ କଷ୍ଟ ଦେବାନି
ସଦା ଭକ୍ତି ରଖିଥିବା ବୟସର ଅପରାହ୍ନକୁ।