ପଇଡ଼ରେ ପାଣି ଡ଼ବଡ଼ବ

ପଇଡ଼ ଭିତରେ ପାଣି ଡ଼ବଡ଼ବ

ବିକୁଥିଲା ପିଲା କାଶିଆ

କହିଲା ମଉସା ଦେଖୁନ ଇଆଡେ

ପଇଡ଼ ମୋ ଭାରି ବଢ଼ିଆ ।

ଢ଼କଢ଼କ କରି ପିଇବ ପାଣିକୁ

ଭିତରେ ବି ଥିବ ନାଳି

ପାକୁଆ ପାଟିରେ ଚାକୁଳେଇ ଦେଲେ

ସହଜେ ପାରିବ ଗିଳି ।

ଖାଇବ ପିଇବ ମଜା ବି ଲାଗିବ

ମୂଲ୍ୟ ପନ୍ଦରଟି ଟଙ୍କା

ମେଣ୍ଟିଯିବ ତୁମ ଭୋକ ଆଉ ଶୋଷ

କାହିଁକି କରୁଛ ଚିନ୍ତା ।

ପାଣି ବୋତଲକୁ ପଡୁଛି କୋଡିଏ

ଥଣ୍ଡା ବୋତଲ ପଚିଶି

ନୋଅଟ କାଢିକି ବଢାଇ ଦିଅନ୍ତି

ଲୋକମାନେ ହସିହସି ।

ମିଳେନାହିଁ କିଛି ନିପଟ ଅଖାଦ୍ୟ 

ଦେହକୁ କରେ ଖରାପ

ବଡ଼ ଉପକାରୀ ପ୍ରକୃତିର ଦାନ

ଏଇଟି ଦେଶୀ ପଇଡ଼ ।

ବାଛିକରି ଗୋଟେ ବାଗିଆ ପଇଡ଼

କାଟିଦେଲା ଚଟାପଟ

ପିଇ ଢ଼କଢ଼କ ମନ ହେଲା ତୃପ୍ତ

ମିଠା ନାଳି କଲି ଚଟ।

ଆଖି ଯେବେ ପଡେ ପଇଡ଼ ଉପରେ

କାଶିଆର ଦିଶେ ମୁହଁ

ଉପଭୋଗ କରେ ଗୋଟିଏ ଦୁଇଟି

ମଧୁର ପଇଡ଼ ମୋହ ।

  ------