ଫକୀର ମୋହନ ସେନାପତି
ଫକୀର ମୋହନ ସେନାପତି
ଓଡ଼ିଆ ସାହିତ୍ୟର ହେ ମହାନାୟକ
ଅନନ୍ୟ ତୁମ ସୃଜନ
ବ୍ୟାସ କବି ଭାବେ ପରିଚିତ ତୁମେ
ଆହେ ଫକୀର ମୋହନ l
ବାଲେଶ୍ୱର ଜିଲ୍ଲା ମଲ୍ଲୀକାଶ ପୁର
ଥିଲା ତୁମ ଜନ୍ମସ୍ଥାନ
ବହୁ ଦୁଃଖ କଷ୍ଟେ କଟିଥିଲା ତୁମ
ନିରୀହ ବାଲ୍ୟ ଜୀବନ l
ଶାନ୍ତି କାନନରେ ଲେଖିଥିଲ ତୁମେ
କାଳଜୟୀ ଉପନ୍ୟାସ
ମାମୁଁ ପ୍ରାୟଶ୍ଚିତ ଅବା ସେ' ଲଚ୍ଛମା
ଛଅ' ମାଣ ଆଠଗୁଣ୍ଠ l
ଗଳ୍ପ ମଧ୍ୟେ ଶ୍ରେଷ୍ଠ ତୁମ ଗଳ୍ପସାର
ଡାକମୁନସି ରେବତୀ
ହେଉ ରାଣ୍ଡିପୁଅ କି' ଧୂଳିଆ ବାବା
ସବୁଥିରେ ତୁମ ଖ୍ୟାତି l
ଆଧୁନିକ ଭାଷା ସାହିତ୍ୟ ଜଗତେ
ଥିଲ ତୁମେ କର୍ଣ୍ଣଧାର
କବିତା ପ୍ରବନ୍ଧେ ଧୁରିଣ ଶିଳ୍ପୀଟେ
ନାହିଁ ତୁମ ପଟ୍ଟାନ୍ତର l
ଘେନ ମୋ ପ୍ରଣତି ଆହେ ଯୋଗଜନ୍ମା
ଦେଉଅଛି ଶ୍ରଦ୍ଧାଞ୍ଜଳି
ଆଉ ଥରେ ନିଅ ତୁମେ ପୁର୍ନଜନ୍ମ
ସାହିତ୍ୟର ଦୀପଜାଳି l