ପହିଲି ପ୍ରେମ

ଭୁଲି କି ହୁଅଇ ଜୀବନରେ କେବେ

ପହିଲି ପ୍ରେମର ଛୁଆଁ

ଜୀବନ ଯାତ୍ରାର ପ୍ରତି ମୁହୂର୍ତ୍ତରେ

ପହିଲି ପ୍ରେମର ରାହା

ଭରିଦିଏ କେତେ ଖୁସି ଅନୁଭବ

ହୃଦୟର ଉପବନେ

ପ୍ରିୟାର ପୀରତି ଅଭୁଲା ସ୍ମୃରୁତି

ମନେପଡେ ସବୁଦିନେ

ଦରଦୀ ହୃଦୟେ ଖୁସିର ଲହରୀ

ପ୍ରିୟାର ପହିଲି ଦେଖା

ଗ୍ରୀଷମ ଲାଗଇ ଫଗୁଣ ଯେସନେ

ହୋଇଲେ ଜୀବନ ସଖା

ଅନୁଭବୀ ମନୁ ଅପସରିଯାଏ

ହୃଦୟେ ଥିବା ବେଦନା

ପ୍ରେମରେ ଭିଜଇ ଅବୁଝା ମନ ଯେ

ହୋଇ ସତେ ଆନମନା

ଅଭୁଲା ଅତୀତ ପହିଲି ପ୍ରେମର

ରହିଥାଏ ହୃଦୟରେ

ନ ସରେ କଦାପି ଜୀବନ ବଦଳି

ସ୍ମୃତି ହୋଇ ମନୁ ଝରେ