ପହିଲି ମୌସୁମୀ
ପହିଲି ମୌସୁମୀ
ପହିଲି ମୌସୁମୀ
ଚୁମି ଗଲା ଭୂମି
ଗ୍ରୀଷମେ ଶୀତଳ ଭରି ।
ଶୁଷ୍କ ମୃତ୍ତିକାର
ଭିଜା ବାସ୍ନା ତାର
ଚହଟଇ ବୁକୁ ଚିରି ।।
ମେଘେ ମେଘାଚ୍ଛନ୍ନ
ଆକାଶ ତମାମ
ଇନ୍ଦ୍ରବାଣ ମାରେ ଠାଣି ।
ଚମକେ ବିଜୁଳି
ସତେ ସ୍ଵର୍ଣ୍ଣ ମାଳି
ପିନ୍ଧି ଅଛି ବର୍ଷା ରାଣୀ ।।
ତପ୍ତ ତରୁ ଗଣ
ଲଭି ନବ ପ୍ରାଣ
ଆହ୍ଲାଦିତେ ଅନୁପମ ।
ଶୀତଳ ସପନ
ରଜନୀ ରତନ
ଉଦ୍ଭାଷିତ ଉନ୍ମାଦନ ।।
ପ୍ରକୃତି ସନ୍ତାନ
କରିବ କଷଣ
କ୍ଷେତେ କ୍ଷମତାର ବଳ ।
ଆନନ୍ଦ ଲହରୀ
ଖେଳେ ଉଙ୍କିମାରି
ଆଗମନେ ମୌସୁମୀର ।।
ରହି ରହି ଡାକ
ଡାକୁଅଛି ଭେକ
ବସି ସାରୁ ବୁଦା ମୂଳେ ।
ପୂର୍ଣ୍ଣ ନଦୀ ନାଳ
ବରଷାର ଜଳ
ମୀନଟି ଆନନ୍ଦେ ଖେଳେ ।।