ପଚାରନ୍ତନି ଥରେ

ପଚାରନ୍ତନି ଥରେ

ଅଛ ତୁମେ କେମିତି

ଯେମିତି ଥିଲ ସେଇ ଦିନ

ଅଛ କି ଆଜି ସେମିତି

ସେଇ ରାଗ ରୁଷା ମାନ ଗୁମାନ

ଥିଲା ଠିକ୍ ଯେମିତି!

ନା ବଦଳିଛି ଆଜି କିଛି

ଜୀବନ ର ପରିମିତି,

ପଚାରନ୍ତନି ଥରେ

ଅଛ ତୁମେ କେମିତି ।

ପଚାରନ୍ତନି ଥରେ

ଅଛ ତୁମେ କେମିତି

ସେଇ ଭୁଲାଣିଆ ମନ ସହ

ଅଙ୍କା ବଙ୍କା ଜ୍ୟାମିତି,

ଦୁଇ ପଦ କଥା ରେ ଯେ

ଲୁହ ଝରେ ସେମିତି

ଝୁଣ୍ଟିପଡେ ପଥର କୁ 

ଚାଲ ସତେ କେମତି

ପଚାରନ୍ତନି ଥରେ

ଅଛ ତୁମେ କେମିତି ।

ପଚାରିବା ଭୁଲିଗଲ

ତୁମେ ତ ଏମିତି

ମନ ତଳେ ମନ ଟିଏ

ରଖିଛି ମୁଁ ସାଇତି,

ପଚାର କି ନ ପଚାର

କହି ହୁଏ ନାହିଁ ଟି,

ଅଧିକ କି ଉଣା ହୁଏ

ତଉଲ ରେ ନିକିତି,

ପଚାରନ୍ତନି ଥରେ

ଅଛ ତୁମେ କେମିତି ।