ଲାଇବ୍ରେରୀ
ପ୍ରୋଫାଇଲ୍
ଅନନ୍ତ ପ୍ରେମର ଶାଶ୍ଵତ ପ୍ରେମିକ
ଅନନ୍ତ ପ୍ରେମର ଶାଶ୍ଵତ ପ୍ରେମିକ
1 min
178
ସୂର୍ଯ୍ଯାଗମିତାଂଶୁ ଦିବ୍ୟ ଚକ୍ଷୁଧାର
ଘନ ବାରିବାହ କେଶ
ସଦା ହରିତ୍ ମୁଖେ ଓଷ୍ଠପଲ୍ଲବେ
ମୁଖରିତ ଶ୍ବେତ ହସ ।। (୧)
ଅଳିକେ କିରୀଟ କଳାନିଧି ଜ୍ଯୋତି
ନିମ୍ରୋଚନେ ଚମତ୍କୃତ
ରକ୍ତୋତ୍ପଳଶୁଭ୍ର କୈରବାଳଙ୍କାରେ
ତୋର ତନୁ ଅଳଙ୍କୃତ ।। (୨)
ସୁନୀଳ ସଳୀଳେ ଦ୍ଯୋତିବିମ୍ବ ଭାସେ
ବସନ ତୋ ବିଭାସିତ
କୋକିଳ କଜ୍ଜ୍ବଳେ ସୁମନ ସୁବାସେ
ତୋ ଶରୀର ସୁବାସିତ ।। (୩)
ରେ ନିର୍ଝର! ତୋର ଝରଝର ସୁର
ଧ୍ବନିତ ନୂପୁର ନାଦ
ତୋଳିଥାଏ ଅଂଶୁ ଗିରି ରୂପା ହସ୍ତ
ନିର୍ଝରିଣୀ ତୋର ପାଦ ।। (୪)
ତୋ ରୂପଲାବଣ୍ଯ ଦର୍ଶନେ ସୁମତ୍ତ
ହୋଇଛି ମୋ ହୃଦଦେଶ
ଅନନ୍ତ ପ୍ରେମର ଶାଶ୍ଵତ ପ୍ରେମିକ
ମୋର କି ଅବା ଦୋଷ ।। (୫)
