ପବିତ୍ର ହୋଲି ପାଇଁ
ପବିତ୍ର ହୋଲି ପାଇଁ
1 min
387
ଆମେ ଭାରତୀୟ, ନିଆରା ଜାତି
ଭିନ୍ନ ଆମ ପ୍ରଥା, ନୀତି ସଂସ୍କୃତି
ଦୋଳ ପୂର୍ଣ୍ଣମୀର ରଙ୍ଗ ପରବ
ଜଗାଏ ହୃଦୟେ ଭାତୃତ୍ୱ ଭାବ
ପବିତ୍ର ଦିବସେ
ଖୁସି ଆନନ୍ଦରେ ଅନ୍ତର ହସେ ।
ଋତୁ ଫଗୁଣର ଆଗମନରେ
ନବ ଉନ୍ମାଦନା ହୃଦୟେ ଭରେ
କୋକିଳ କାକଳି ଆମ୍ର କୁଞ୍ଜରେ
ଚୋରା ଚଇତାଳି ପୁଲକ ଭରେ
ହୃଦୟ କାନନେ
ମହକି ବାସଇ ପ୍ରୀତି ସୁମନେ ।
ଦୋଳ ବିମନରେ ରାଧା ମାଧବ
ଆହା କି ସୁନ୍ଦର କୃଷ୍ଣ କେଶବ
ପବିତ୍ର ନୟନ ହୋଇଲା ଧନ୍ୟ
ରଙ୍ଗ ଅବିରରେ ଅପୂର୍ବ ବର୍ଣ୍ଣ
ଉଲ୍ଲସିତ ପ୍ରାଣ
ପବିତ୍ର ପରବ ରଙ୍ଗ ଫଗୁଣ ।
ଶାଶ୍ୱତ ଭାସ୍ଵର ପ୍ରେମର ତତ୍ତ୍ୱ
ବର୍ଣ୍ଣଇ ଜୀବନ ନିଛକ ସତ୍ୟ
ହିଂସା ଦ୍ୱେଷ ଇର୍ଷା ମନରୁ ତେଜି
ରଙ୍ଗ ଫଗୁଣରେ ଯିବାରେ ଭିଜି
ଭକତି ଭାବେ
କୃଷ୍ଣ ପ୍ରେମେ ଭିଜି ଯିବା ସରବେ ।