ଲାଇବ୍ରେରୀ
ପ୍ରୋଫାଇଲ୍
ପାର୍ବଣ ପ୍ରୀତିର ନିଶା
ପାର୍ବଣ ପ୍ରୀତିର ନିଶା
1 min
253
ତୁମେ ଶରତ ସଞ୍ଜର ଶୁଭ୍ର କାଶତଣ୍ଡୀ
ମୁଁ ଆଞ୍ଜୁଳେ ଆଶ୍ଵିନ ଆଶା
ଦେବୀ ଆବାହନେ ତୁମ ଆକର୍ଷଣ
ମୁଁ ପାର୍ବଣ ପ୍ରୀତିର ନିଶା ।।
ତୁମେ ସ୍ବଚ୍ଛ ଶରତର ଶିରି ଶିରି ବାଆ
ମୁଁ ଆଶ୍ଵିନ ଆଖିର ଆଭା
ତୁମେ ପାର୍ଵଣର ପହିଲି ପୁଲକ
ମୋ ଦେହସାରା ବର୍ଣ୍ଣଵିଭା ।।
ତୁମେ ଶରତ ସକାଳ ସୁନାଝରା ସାଥୀ
ମୁଁ ଆଶ୍ଵିନର ଆନମନା
ପାର୍ବଣ ପିନ୍ଧିଛି ମୃତ୍ୟୁର ଭୂଷଣ
ଛୁଇଁବା ଯେ ତାକୁ ମନା ।।
ତୁମେ ସ୍ନେହ ସରସର ଶରତ ଶଯ୍ୟାର
ପବିତ୍ର ପାଦର ଝୋଟି
ମୁଁ ଅସୁମାରୀ ଆଶା ଆଙ୍କିଛି ମନରେ
ମାଆ ସତେ ଶୁଣିଵେଟି ।।
ତୁମେ ଶରତ ଆକାଶ ତୋଫା ତୋଫା ଚାନ୍ଦ
ପୁଣ୍ୟ ପ୍ରଣୟର ଗୀତି
ମୁଁ ମାଆର ପଣତ ପାଇଁ ପ୍ରଧୂମିତ
ଲୁହେ ଜାଳେ ସଞ୍ଜଵତୀ ।।
ତୁମେ ପାର୍ଵଣ ପାଉଁଜି ରୁଣୁଝୁଣୁ ସ୍ବର
ନୂପୁର ନିକ୍ଵଣ ନାଦ
ମୁଁ ଆହ୍ଲାଦିତ ଏକ ସ୍ଵକ୍ଷ୍ମ ଶିହରଣ
ଓଦା ଓଦା ମୋର ହୃଦ ।।
