ଲାଇବ୍ରେରୀ
ପ୍ରୋଫାଇଲ୍
ପାରାବାର ସେଇ ସ୍ମୃତି
ପାରାବାର ସେଇ ସ୍ମୃତି
1 min
112
ଭୁଲି ହୁଏ ନାହିଁ ଭୁଲେଇ ହୁଏନି
ରହିଯାଏ ମନ ଭିତରେ,
କ୍ଷଣ ପ୍ରତିକ୍ଷଣେ ମନେ ପଡି ଯାଏ
ପ୍ରତିଟି ହୃଦୟ କୋଣରେ ।
ସ୍ମୃତି ସିନା ଅଟେ ସମୁଦ୍ର ଜୁଆର
ଆସେ ପୁଣି ଫେରିଯାଏ,
ଦେଖି ଦେଲେ ତାକୁ ମନରେ ଭାବନା
ଜାଗ୍ରତ ହୋଇଯାଏ ।
ମନରେ ଆନନ୍ଦ ଭରିଦିଏ ସିନା
ପ୍ରକାଶଇ ଦିଏ ଚଞ୍ଚଳତା,
ସମୁଦ୍ର ପରି ସେ ଗଭୀର ଅଟଇ
ଭାଙ୍ଗି ପାରେ ନାହିଁ ଦଇବ ବିଧାତା ।
କେବେ ଦିଏ ଖୁସି କେବେ ଦିଏ ଦୁଃଖ
ଜୀବନ ସମୟ ପଥରେ,
ସାରା ଦିନ ପାଇଁ ରଖିଦେବି ତାକୁ
ଭାବିକି ଅଭୁଲା ସ୍ମୃତିରେ ।
ସ୍ୱଚ୍ଛ,ନିର୍ମଳ ପରି ସେ ଅଟଇ
ଦାଗ ନ ଲାଗଇ କେବେ,
ଚିର ଅମର ସେ ହୋଇରହିଯିବ
ମରିବ ନାହିଁ ସେ କେବେ l
