ଲଲାଟ ଲିଖନ

ବିଧାତା ହସ୍ତେ ଗଢ଼ା ଏ ସୁନ୍ଦର ସଂସାର

ଯହିଁ ଭରିଛନ୍ତି ସୁଖ ଦୁଃଖର ଭାର ।

ଲଲାଟେ ଲେଖିଛନ୍ତି ଭାଗ୍ୟର ଫଳ

ଯଥା ସମୟରେ ତାହା ହୁଏ ପ୍ରତିଫଳ ।

ମନୁଷ୍ୟକୁ କର୍ମ ଦେଇଛନ୍ତି ବାଣ୍ଟି 

କର୍ମାନୁସାରେ କର୍ମଫଳ ଦେଇଥାନ୍ତି ପୁଣି ।

ସମୟ ଚକ୍ର ସାଥେ ଚାଲଇ ଦୁନିଆଁ

କର୍ମରେ ବିତିଥାଏ ଏ ଜୀବନ ଜୀବିକା।

କର୍ମଫଳ ମଧ୍ୟ ଭୋଗିଛନ୍ତି ଦେବତା

ପୁରାଣ ଯୁଗରୁ ଏହା ପ୍ରମାଣିତ ସଦା।

ସତ୍ୟପଥେ ନିତ୍ୟ ହୋଇ ତତ୍ପର

ଲଭନ୍ତି ଶୁଭଫଳ କଲା କର୍ମର ।

ଲଲାଟରେ ଯାହା ଲେଖନ୍ତି ନିୟତି

ସେ କର୍ମର ଫଳ ନିଶ୍ଚୟେ ଭୁଞ୍ଜନ୍ତି ll