ପାପ ପୂଣ୍ୟ

ପୂଣ୍ୟ ନଦୀ ତୀରେ ଧୋଉଥିଲି ଯେବେ

   ପାପର ପଙ୍କିଳ ଦେହ

ବୁଲି ଚାହିଁଦେଲି ପଛକୁ କ୍ଷଣିକ

   ଘାରିଲା ସଂସାର ମୋହ (୧)

ମିଛ ମାୟା ଏହି ସଂସାର ହାଟରେ

  ପାପ ପୂଣ୍ୟ ଦୁଇ ଘାଟ

ପୂଣ୍ୟର ଘାଟରେ ନାଆ ଓ ନାଉରୀ

  ପାପ ଘାଟେ ଖାଲି ନାଟ(୨)

ପୂଣ୍ୟ ପାଇଁ ସିନା ସ୍ୱର୍ଗ ସୁଖ ମିଳେ

  ନର୍କେ ଘାଣ୍ଟି ହୁଏ ପାପ

ଜନମ ଜୀବନ ପୂଣ୍ୟ ବଳେ ପ୍ରାପ୍ତି

  କର୍ମେ ନର ଅନୁତାପ (୩)

ଦାନ, ଧ୍ୟାନ,ଧର୍ମ ସ୍ୱର୍ଗୀୟ ସମାନ

   ମିଛ ଏ ପାର୍ଥିବ ଘଟ

ଡାକ ଶୁଣେ ନାହିଁ ଘାଟୁଆ ଭାଇ ଯେ

   ନଈ ମାଡୁ ଥିଲେ ପାଟ (୪)

ପୂଣ୍ୟ ଦୁଇ କୂଳ ପାପ ସ୍ରୋତ ଧାର

   ଭାସଇ କରମ ନାଆ

ପାରି ହେବାପାଇଁ ଫେରୁଛି ବେପାରୀ

   ଧର୍ମ ଥିଲେ ହେବ ସାହା (୫)