ପାପ ପଞ୍ଜୁରୀରେ ପୁଣ୍ୟ ଶାରୀ

    ପାପ ପଞ୍ଜୁରୀରେ ପୁଣ୍ୟ ଶାରୀଟିଏ

          ହେଉଥାଏ ଛଟପଟ

     ମୁକୁଳିବା ପାଁଇ  କରୁଥାଏ ଚେଷ୍ଟା

         ଖୋଜୁଥାଏ ତାର ବାଟ ।

      ପାପ ଭାରା   ଏଠି ନୀତି ବଢୁଅଛି

         ସହି ହେଉନାହିଁ ପରା

       ଅଧର୍ମ ପାଖେ ସତ୍ୟ ବନ୍ଧା ଅଛି

         ମୁକୁଳି ପାରୁନି ପରା ।

        ପୁଣ୍ୟ ଶାରୀଟିଏ  ବନ୍ଦୀ ହୋଇ ଅଛି 

            ପାଇବାକୁ ଚାହେଁ ମୁକ୍ତି

         ଖୋଲା ଆକାଶଟି ତା ଲାଗି ସୁନ୍ଦର

           ଶିକୁଳି ପାରେନି ଫିଟି ।

        ଗୁମୁରି ଗୁମୁରି  କାନ୍ଦୁ ଥାଏ ଶାରୀ

            ଶୁଣିବାକୁ କେହି ନାହିଁ

         ପାପ ପଞ୍ଜୁରୀରେ ଦିନ କାଟେ ଶାରୀ

            ସୁଖ ଭାଗ୍ୟେ ତାର ନାହିଁ ।