ଲାଇବ୍ରେରୀ
ପ୍ରୋଫାଇଲ୍
ଅଗଣିତ ପନ୍ଥା
ଅଗଣିତ ପନ୍ଥା
1 min
399
ଗଣ୍ଠିଲିରେ ଅନେକ ଗଣ୍ଠି
ଫିଟେଇବାକୁ ପଡିବ
ଖୋଲି ଦେଇ ଛାଡି ଦେବାକୁ ହେବ
ସବୁ ବଡ଼ ଘର ବଡ଼ ଗୁମର କଥା
ସମସ୍ୟାର ଲଫାପାରେ ଅନେକ ଅଠା
ପୋଛିଦେବାକୁ ହେବ
ଦୁଗୁଳା କରି ମୁଁହ ଖୋଲି ଦେବାକୁ ହେବ
ସମାଧାନ ହୋଇପାରୁ ନ ଥିବା
ଅନେକ ଦିନର ଅଛିଣ୍ଡା ବିବାଦ ବ୍ୟଥା
ଗର୍ବର ବାରବାଟୀ ଦୁର୍ଗରେ ଅମୁହାଁ କଂସା କଟାଟ
ତାଲା ଭାଙ୍ଗିବାକୁ ହେବ
ଠିଆ ମେଲା ହେବ ଭିତରକୁ ଚାଲିଯିବ
ଅତୀତର ପାଦଚିହ୍ନ ଅଲିଭା ଦାଗ ପରି
ବଖାଣିବ ଅନେକ ପରମ୍ପରା ପ୍ରଥା
ଫୁଟାଣିର ଉଜାଣି ସ୍ରୋତରେ ଗଭୀର ଗଣ୍ଡ ଖାଇ
ନିଜକୁ ରୋକିବାକୁ ହେବ
ଧିରେ ଧିରେ ମୁକୁଳା କରିବାକୁ ହେବ
ଭବିଷ୍ୟତ ସମସ୍ୟାର ସମାଧାନ ପାଇଁ
ଦିଶିଯିବ ଅଗଣିତ ପନ୍ଥା
