ମାମୁଁଘର ଗ୍ରାମପଥ

ଭଲ ଥିଲା ଧାନ ବିଲ ମଝିରେ

ଅଙ୍କା ବଙ୍କା ସରୁ ଗ୍ରାମପଥ

ବହୁତ ଭଲ ଥିଲା ଶଗଡ଼ ହୁଳାରେ

ଅଙ୍କିତ ଚିହ୍ନିତ ଅଣଉସାରିଆ ଗଳିପଥ

ଆହୁରି ଭଲ ଥିଲା ଗୋରୁପଲ ପାଦ ଚିହ୍ନରେ

ଚିତ୍ରିତ ଆବୁଡ଼ା ଖାବୁଡ଼ା ସରୁ ଧୂଳିପଥ

ଅଧୁନା ପରିବର୍ତିତ କଳେବର 

ପ୍ରଧାନମନ୍ତ୍ରୀ ଗ୍ରାମୀଣ ଙ୍କକ୍ରୀଟ ସଡ଼କ

ଗାଁ ଦାଣ୍ଡ ଗଳି ସରୁ ଅର୍ଗଳି ସହର

ଅଧୁନା ଜାତୀୟ କିମ୍ବା ରାଜ୍ୟ ସଡ଼କପଥ

 ଦୁଇ ଧାରିଆ କିମ୍ବା ଚାରି ଧାରିଆ

ଜାଲ ଭଳିଆ ବିଛେଇ ଯାଇଛି 

କଳା ମଚ ମଚ ରେଖାଙ୍କିତ 

ଅବଶୋଷ କେବଳ ଏତିକି

ସବୁ ବେଳେ ରୋଡ଼ଜାମ୍ ଚକା ଜାମ୍

ଗାଡି ମଟର ଟ୍ରକ୍ ବସର ଘୋ ଘର୍ଘର

ଦୁଇ ପାଞ୍ଚ କିଲୋ ମିଟର ଯିବାକୁ ଡ଼ର ଲାଗେ

ଦେଖି ବଡ଼ ବଡ଼ ୧୬ ଚକିଆ ଡମ୍ଫର

ଆହୁରି ବଡ଼ ଅବଶୋଷ ଏତିକି

ବିଚାରା ସାଧାରଣ ଦୀନ ମଜୁରିଆ

ମଟର ସାଇକେଲ ଆରୋହି ବି

 ଗଳି ଯାଇ ପାରେନା ଆଗକୁ ଅଗ୍ରସର

ପେଁ ପାଁ ଭେଁ ଭାଁ ଅସହ୍ୟ ପରିବେଶ

ରାଗ ରୋଷର ଅଲଗା ରୋଷଣୀ

ଗାଳି ଗୁଲଜର ନୂଅ ଶବ୍ଦ ବାଣୀ

ଶୁଣିବାକୁ ମିଳେ ଗହଳ ଚହଳ ମଝିରେ

କାନ ମୁଣ୍ଡ ଆଉଁସିବା ସାର

ଦୁର୍ଘଟଣା ରେ ମରଣ ଗଣି ହେବନି

ଗାଡି ଚପାରେ ମୃତ୍ୟୁବରଣ କହି ହେବନି

ମନେ ପଡିଯାଏ

କେତେ ଭଲ ଥିଲା ମାମୁଁଘର ଗ୍ରାମପଥ

ତାଳ ଗଛ ଘେରା

ଗହଳ ମାଣ୍ଡିଆ ଖେତ

ସୋରିଷ ଫୁଲର ହଳଦିଆ ନେତ

ଧାନ କିଆରୀ ଉଡଉଥିବ ଫୁଲ ମୁକୁଟ

କଇଁଫୁଲରେ ହସୁଥିବ ପୋଖରି ଗୋହିରି ପାଟ

ଧେନୁ ପଲ ସହ ଗାଈଆଳ ଟୋକା କେଇ

ବଇଁଶି ବଜେଇ ଯାଉଥିବ ଛୁଇଁ

ଅବଚେତନ ମନ ଚେତନା ଡେଇଁ

ଅପୂର୍ବ ଅବର୍ଣ୍ଣନୀୟ ଶୋଭା ଭଣ୍ଡାର

ଉଠୁଥିବ ଚେଇଁ ।