Library
Profile
ଖୁସିମନ୍ୟତା
ଖୁସିମନ୍ୟତା
ଭଡ଼ାଘର କୁହ ବା ଉଡ଼ାଘର
ସ୍ମୃତିର ଘୁମନ୍ତ ଜୀବନ୍ତ ଗନ୍ତାଘର
ଜୀବନ ଦେଉଳର ବାଇସି ପାହାଚ ପରି
ଅତୀତ ଇତିହାସର ସ୍ମରଣୀୟ ସୃଜନାକ୍ଷର
ଚାକିରି ସ୍ଥାନାନ୍ତରଣ ସହିତ
ବଦଳିଯାଏ ସିନା ବାସସ୍ଥାନ
ନୂଆ ଠିକଣା ସ୍ଥାନ
ମାତ୍ର ଚିରସ୍ଥାୟୀ ରହିଯାଏ ମାୟା
ବାଇଚଢ଼େଇ ବସାର ନିର୍ବାକ ଚଳଚିତ୍ର
ପରି ଛାପିଯାଏ
ମନ ଅଳିନ୍ଦରେ ଛାୟା
ଖୋଜାପଡ଼େ ଅବଶ୍ୟ ଅନ୍ୟ ଏକ ନୀଡ଼
କିଛିଦିନ ବସା ବାନ୍ଧିବାକୁ
ସପରିବାର ମୁଣ୍ଡ ଗୁଞ୍ଜିବାକୁ
ନୂଆ ସହରେ ରହିବାକୁ
ବାଧ୍ୟ ସନ୍ତାନ ପରି
ବୟସ କଟେଇବାକୁ
ସବୁ ମାୟାରେ ବାୟା
ମାତ୍ରା ଭୂଲି ହୁଏନା ସେହି
ଉଡ଼ାଘରର କଳା ଧଳା ଛାୟା
ଘୁମନ୍ତ କଳ୍ପବଟ ପରି ଧୂଳି ଧୂସରିତ କାୟା
ମାତ୍ର ଘୋର ବିଡମ୍ବନା
ପଛେ ରହିଥାଏ ଅତୀତର ଇସ୍ତାହାର
ସ୍ଵର୍ଣ୍ଣାଭ ବାଲ୍ୟ କୌଶୁର ବେଳର ବତୀଘର
ସଂପର୍କର ଫୁଲମାଳେ ଗୁନ୍ଥା ଅନେକ
ଛିଣ୍ଡି ପଡନ୍ତି ଖସି ପଡନ୍ତି
ମାତ୍ର ମନ ପବନରେ ଖୁସିଫୁଲ ପରି
ସଦା ସର୍ବଦା ତାଜା ସୁବାସ ବିତରିଥାନ୍ତି
ଭଡ଼ା ଘର ବଦଳେଇଦେଲେ
ବହୁତ କିଛି ପଛରେ ଛାଡିଯାଏ
ଭଲ-ଭେଲ ମାଉସୀ ପଡ଼ୋଶୀ
ଗଛ ଗଳି ସାଙ୍ଗ ସାଥୀ ଷୋଡ଼ଶୀ
ଦୋକାନ ହାଟ ସ୍କୁଲ ମନ୍ଦିର
ପୂଜା ପାର୍ବଣ ଯାତ୍ରା ବଜାର
ଚିହ୍ନା ମୁଁହମାନେ ମହଳଣ ଦିଅନ୍ତି
ନିତି ଦିନିଆ ରାସ୍ତା ଅଚାନକ
ଗନ୍ତବ୍ୟହ
ୀନ ଅର୍ଗଳି ସାଜନ୍ତି
ଯେଉଁ ଗଳିରେ ଖେଳୁଥିଲି
ସେ ଆଜି ମୋତେ ଭୂଲି ଯାଇଛି
ସେହି ଖେଳ ସାଙ୍ଗମାନଙ୍କୁ ଫେସବୁକରେ
ଖୋଜୁଛି
ମିଳିଗଲେ ବହେ ଗପୁଛି
ରୋମନ୍ଥନର ତଳେ ତାଳେ
ଅତୀତ ଆଇନାରେ
କିଛି ସମୟ ପଛକୁ ଫେରିବାର ଯେ ମଜା
ବାରମଜା ଚୋବେଇବା ପରି ମଜା ଲାଗୁଛି
ସମୟ ଚକର କଡ଼ା ନିର୍ଦ୍ଦେଶ
ମାନିବାକୁ ପଡ଼େ ଛାର ମଣିଷ
ଭଡ଼ାଘର ଛାଡିଲେ
ଗୋଟେ ପରିବାର
କାତି ଛଡ଼ା ସାପପରି ବଦଳେ
ମାତ୍ର ସେ ପରିବାର ପାଇଁ
ଅସରନ୍ତି ସଂପର୍କ ସଂବନ୍ଧ ବିସ୍କୃତିରେ
ପୁରାତନ ସଭ୍ୟତା ପରି ଲୁଚି ଚାହାନ୍ତି
କେବେ କେମିତି ଭେଟ ଘାଟ ହେଲେ
ପ୍ରତ୍ନତତ୍ତ୍ଵ ବିଭାଗର ଖନନ ପରି
ଅତୀତ ଗର୍ଭରୁ
ପୁଣି ପରିପ୍ରକାଶ କରେ
ସେହି ଉଡାଘର ସହିତ ଜଡିତ
ଇତିହାସ ଭୂଗୋଳ
ସେହି ଉଡାଘର ସହିତ ମିଶ୍ରିତ
ପ୍ରଥମ ପ୍ରେମର କଳରୋଳ
ପ୍ରଥମ ଜନ୍ମଦିନ ବେଳର ଖୀରି ପୁରି ସହିତ
ଭୁରି ଭୋଜନ
ପୁଣି କେତେ ଘଟଣା ଦୁର୍ଘଟଣା ଜନିତ
ମାଡ ଗାଳି ବିଧା ଚାପୁଡ଼ା କ୍ରନ୍ଦନ
ନିଜ ନୀଳୟରେ ଆଜି
ବନ୍ଦୀ ଜୀବନ ବ୍ୟସ୍ତତା
କର୍ମ ବହୁଳତା ସହିତ ସମସ୍ୟା ଜଟିଳତା
କିନ୍ତୁ ସେହି ଉଡାଘରର ସ୍ଵାଧୀନତା
କିନ୍ତୁ ସେହି ଉଡାଘରର ସ୍ଵଚ୍ଛଳତା
ମନେ ପଡିଗଲେ
ପେଟରେ ଘନ ଘନ ହାହାକାର
ଅତୀତ ସ୍ମୃତି ବିଜଡିତ ଅନ୍ୟମନସ୍କତା
ଛାତି କୋରି ହୋଇଯାଏ
ଶୂନ୍ୟନା ଭିତରେ ବି ବାରିପଡ଼େ ଖୁସିମନ୍ୟତା |
