ପାନ୍ଥଶାଳା,,,,,,,,,,,,,,,,,,,,

ପାନ୍ଥଶାଳା ଜାଣେନା

କାହାର ଠିକଣା କେଉଁଠି

ପଥିକକୁ ସିଏ ରାତିକ ପାଇଁ

  ଆଶ୍ରୟ ଦେଇଛି

କହାରି କେଉଁ ଧର୍ମ କିଏ

  କେଉଁ ବର୍ଣ୍ଣ

କାହାରି ଠାରୁ ପଚାରି ବୁଝେନା

କାହାର ଯାତ୍ରା କେତେ ଦୂର

ଏକଥା ସିଏ କହି ପାରେନା

କେବଳ ସେ ରାତିକର

   ମୂକସାକ୍ଷୀ

 ସାକ୍ଷୀ ହୋଇ ରହିଛି

ଅମା ଅନ୍ଧାରରେ ସର୍ବେ

ନିଦ୍ରାରତ କେବଳ ଅନ୍ତରର

ଦରଦକୁ ସିଏ ନିଜ ଜଡ଼

 ହୃଦୟେ କଳି ପାରିଛି

 କେତେ ବେଳେ କିଏ ଆସେ

   କିଏ ଯାଏ

ତାହାର ହିସାବ ଦେଇ ପାରେନି

କେବଳ ପଦ ଶବ୍ଦ

  ଶୁଣି ପାରିଛି

ପାନ୍ଥଶାଳା ସେ ଆଶ୍ରୟଦାତା

ଆଶ୍ରୟ ଦେବା ତାର ଧର୍ମ

 ସେତିକି କେବଳ ଜାଣିଛି