ପାଇଖାନା

😁😁ପାଇଖାନା😁😁

ଜୀବନ ଯୁଦ୍ଧରେ ଜୟୀ ହେବାପାଇଁ 

ନିତି ଚାଲେ ଏଠି ଯୋଜନା,

ମନେ ପଡେ ପୁଣି ଭୁଲି ଯାଇଥିବା

ଅତୀତର କେତେ ଘଟଣା ।

ଦିନର ଆରମ୍ଭ ଏଇଠାରୁ ହୁଏ

ଦଶ ମିନିଟର ରହଣି,

ମଣିଷ ଘଡିଏ ଭୁଲିଯାଏ ଏଠି

ପିଲାଛୁଆ ଘର ଘରଣୀ ।

କବିତାର କେତେ ପଦ ମନେପଡେ

ଅଧୁରା କବିତା ସରଇ,

ପୁରୁଣା ପ୍ରେମିକା ମନକୁ ଆସିଲେ

ଲାଜେ ପୁଣି ହସ ମାଡଇ ।

କେତେ ଜିତା ହେଲା କେତେ ହରାଗଲା

ସବୁ ଏଠି ଅଙ୍କ କଷନ୍ତି,

କେହି କେହି ପୁଣି କେତେ କଥା ଭାବି

ଘଣ୍ଟା ଘଣ୍ଟା ଏଠି ବସନ୍ତି ।

ପାଇଖାନା ପରା ଜ୍ଞାନ ଚାବିଟିଏ

ମସ୍ତିଷ୍କର ତାଲା ଖୋଲଇ,

ଆନ କେହି ନୁହଁ ନିଜେ ଏଠି ରାଜା

ନିଜର ରାଜୁତି ଚାଲଇ ।