ପାଇଛି ନିଜକୁ
ପାଇଛି ନିଜକୁ
ତୁମର ହଁ ଓ ନାହିଁ ର ଦ୍ଵନ୍ଦ ଭିତରେ
ନିଜେ ନିଜର ସମାଧାନ କରିଛି
ତୁମକୁ ପାଇବିକି ନାହିଁ
ନିଜେ ନିଜକୁ ପାଇଛି।
ଏବେ ଭାବନାରେ ପରିବର୍ତ୍ତନ
ମନରେ ନୂଆ ଆଶା
ଜୀବନର ନୂତନ ଧାରାରେ
ନିଜକୁ ନିୟୋଜିତ କରିଛି।
ମୋର ପ୍ରାର୍ଥନା
ତୁମେ ଖୁସିରେ ରୁହ
ମୁଁ ଏବେ ଏକୁଟିଆ,ସତ
କିନ୍ତୁ,ନିଜେ ନିଜକୁ ଜାଣି ପାରିଛି।
ନିଜକୁ ନିଜେ ଚିହ୍ନିଛି
ନିଜକୁ ଏବେ ଭଲ ପାଇଛି
ପ୍ରଥମ ପ୍ରେମର ପ୍ରଥମ କ୍ଷତ ରୁ
ନିଜକୁ ନିଜେ ମୁକ୍ତ କରିଛି।
ଆଉ ଥରେ କହୁଛି
ଦ୍ଵନ୍ଦ ରହିଛି,ତୁମର ହଁ - ନା ଭିତରେ
ସମାଧାନର ରାସ୍ତା ବି ପାଇଛି
ନିଜେ ନିଜର ସମାଧାନ କରିଛି
ତୁମେ ମୋର ହେବ କି ନା
ନିଜେ ନିଜର ହୋଇଛି।