ପ୍ରତିଦାନ
ପ୍ରତିଦାନ
କାହା ପ୍ରତି ଯଦି ଦାନ କିଛି କର
ପ୍ରତିଦାନ ରଖ ନାହିଁ
ପ୍ରତିଦାନ ଆଶା ବଡ ଦୁଃଖ ଭରେ
ବିତୃଷ୍ଣା ମନରେ ରହି ।
ତୁମେ ଯଦି କାହା ଉପକାର କର
ରଖନି ତା ପ୍ରତିଦାନ
ପ୍ରତିଦାନ ଆଶେ କେବେବି କାହାକୁ
ଦିଅ ନାହିଁ କିଛି ଦାନ ।
ପ୍ରତିଦାନ ଆଶା ବଡ ଭୟଙ୍କର
କ୍ୟାନସରଠୁ ମାରତ୍ମକ
ନିମିଷକେ ସିଏ ଶେଷ କରି ଦିଏ
ଆତ୍ମୀୟତାର ସମ୍ପର୍କ ।
ପ୍ରତିଦାନ ଆଶା ମନରେ ରହିଲେ
ଧୀରେ ଧୀରେ ବଢେ ସିଏ
ଶେଷେ ଏମିତିକା ପରିଣତି ହୁଏ
ସଭିଙ୍କୁ ଦୂରେଇ ଦିଏ ।
ନିଜେ ପ୍ରତିଦାନ ରଖନି ତ ମନେ
ହୃଦୟରୁ ପୋଛି ଦିଅ
ସେଇ ସମ୍ପର୍କଟା ଚିରସ୍ଥାୟୀ ହେବ
ଏକଥା ଅନ୍ୟଥା ନୁହଁ ।
ହେଲେ ତୁମ ପ୍ରତି ଉପକାର ଯଦି
କିଏ ଅବା କରି ଥାଏ
ସେଇ ଉପକାର ଭୁଲନି ଜୀବନେ
ତୁମ ରହିଥିବା ଯାଏ ।
ତାର ବିପଦରେ ଛାଇ ପରି ରୁହ
ତାର ଦୁଃଖେ ସାଥି ହେଇ
ନିଜ ଜୀବନର ପ୍ରତିଦାନ ବଳେ
ତାକୁ ରକ୍ଷା କର ଯାଇ ।
ଭଲ ଦାନର ଯେ ପ୍ରତିଦାନ ଭଲ
ପ୍ରଭାବ ପକେଇ ଥାଏ
ମନ୍ଦରେ ଅମୂଳ ଚୂଳ ପରିଯନ୍ତେ
ସବୁ ଧୋଇ ହେଇ ଯାଏ ।