ଝିଅ ଯିବ ଶାଶୁ ଘର

 ଗୋଟିଏ ସୂତ୍ରରେ ବନ୍ଧା ଏ ସଂସାର

       ପର ପୁଅ ପର ଝିଅ

   ସଂସାର ଭିତରେ ଥରୁଟେ ପଶିଲେ

       ପାଇବ ନିଶ୍ଚୟ ଖିଅ ।

   ଝିଅ ଜନମ ଟି ପର ଘରି ହେବା

      ସଂସାରର ସାର ଇଏ

   ବାପା ମାଆ ମାନେ ବଢାଇ କୁଢାଇ

      ଶାଶୁ ଘର ବିଦା ଦିଏ ।

   ପର କୁ ଆପଣା କରି ନିଏ ଝିଅ

      ବୋହୂ ସାଜି ଶାଶୁ ଘରେ

   ନୂଆ ଜୀବନର ଆରମ୍ଭ ସେଇଠୁ

      ସୁଖର ସଂସାର କରେ ।

   ପର ଝିଅ କେବେ  ଘର ଭାଙ୍ଗେ ନାହିଁ

      ଏକା ଧାରରେ ସେ ମାଆ

   କେତେ ସୁଖ ସ୍ଵପ୍ନ ଦେଖେ ସେହି ଝିଅ

       ଗଢ଼ିବ ନୂଆ ଦୁନିଆଁ ।

   ବାପ ଘର ଛାଡ଼ି ଶାଶୁ ଘର ଯାଏ

      ଛାଡ଼ି ସାଙ୍ଗ ସାଥୀ ଗାଁ

   ଝିଅ ଜନମ ତ ପର ଘରକୁ ଲୋ

     ବୁଝାଏ ତା ବାପା ମାଆ ।

  

   ମାନବ ଜୀବନ ନୁହଁଇ ମାଆ ଲୋ

      ବିଳାସ ବ୍ୟସନ ଭୋଗ

   ଲଭୀ ଥାନ୍ତି ଯହିଁ ଯଶ ଖ୍ୟାତି କୀର୍ତ୍ତି

      କରି ଥାନ୍ତି ବହୁ ତ୍ୟାଗ ।

   ଅଶ୍ରୁଳ ନୟନେ ତା ଶୁଭ ମନାସେ

      ଭଲରେ ଭଲରେ ଯାଆ

   ଶାଶୁ ଶଶୁରଙ୍କୁ  ନିଜର କରିବୁ

      ସେ ହିଁ ତୋ ବାପା ମାଆ ।

   ମୋ ସଂସ୍କାର ନେଇ ଯାଉଛୁ ଝିଅଲୋ

       ହୀତ ଉପଦେଶ ବାଣୀ

   ସ୍ବାମୀ ଙ୍କୁ ତୋହର ମନ ଜାଣି କରି

       ସେବା କରୁଥିବୁ ପୁଣି ।

   ବିଦାୟ ବେଳ ତ ଉପସ୍ଥିତ ହେଲା

       ଝିଅ ଯିବ ଶାଶୁ ଘର

   ଶବରୀ ବାଲା ହେ ଶବରୀ ଲଗାଅ

      ବେଳ ହେଉଛି ଉଚ୍ଛୁର ।

   ଗାଁ ଝିଅ ବୋହୂ ବିଦା ଦେବେ ଝିଅ

       ଅଗଣା ଖାଲି ପଡିଲା

   ଅଶ୍ରୁଳ ନୟନେ  ବିଦାୟ ଦିଅନ୍ତି

      ଝିଅ ଶାଶୁ ଘର ଗଲା ।