ପାହାଡୀ ଝରଣା
ପାହାଡୀ ଝରଣା
ତୁ ପାହାଡୀ ଝରଣା
ଅଜଣା ତୋ ଉତ୍ସ
ଅଲକ୍ଷ୍ୟେ ତୁ ବହୁ ସିନା
ଥରେକି ଭାବୁଛୁ
ଶିଳାର ବେଦନା
ତୋ ପରଶ ପାଇଁ ତା କାମନା ।
ମୁଗ୍ଧ ବିଭୋରେ
ବହିଯାଉ ସିନା
ଥରେ ଚାହିଁନାହୁଁ ଫେରି
ତୋ ଛନ୍ଦ ମାଧୁରୀ
ନିଆଁରେ ଜଳୁଛି
କେତେ ବନଲତା ଗିରି l
ତୋ ସୁଧା ଧାରାରେ
କି ବିଷ ରଖିଛୁ
ଫାଟିଯାଏ ତୋ ପାଦତଳର ଶିଳା
ତଥାପି ଲୋଡୁଛି
ହୁଅନ୍ତି କି ମୁଁ
ତୋ ଚଲାପଥରେ ଶିଳା l
ଭାଙ୍ଗିଯାଏ ପଛେ
ଖଣ୍ତ ଖଣ୍ତ ହୋଇ
ଲଭନ୍ତି ତୋ ଜୋଛନା ଲାବଣ୍ୟ ସିନା
ତୁ ପାହାଡୀ ଝରଣା
ଅଜଣା ତୋ ଉତ୍ସ
ଅଲକ୍ଷ୍ୟେ ତୁ ବହୁ ସିନା l