ଓଡ଼ିଶାର ଟେକ ରଖିବ

ବାପା ଙ୍କୁ କହିଲ ଡେଡ଼      

ଖଟ କୁ କହିଲ ବେଡ଼

ମାଆ ଙ୍କୁ କହିଲ ମମ

ଗୁରୁମାଆ ଙ୍କୁ କହିଲ ମେମ...

ଗୁରୁ ଙ୍କୁ କହିଲା ସାର

ବନ୍ଧୁ ଙ୍କୁ କହିଲ ୟାର

ଭାଇ କୁ କହିଲା ବ୍ରଦର...

ଭଉଣୀକୁ କହିଲା ସିସ୍

ସ୍ତ୍ରୀ ଙ୍କୁ କହିଲ ମିସ୍ ଆଉ

ଖାଇବାକୁ କହିଲ ଡିସ୍

ଇଇଇଇସ୍ ସ୍ ସ୍.......

ମାତୃଭାଷା ର ଅକ୍ଷର ଜାଣିନ

ଚୋବୋଉଛ ଇଙ୍ଗିଲିସ୍,..

ଉତ୍କଳ ଦିବସ ମାନେ ଜାଣିନାହଁ

କହୁଛ ଏପ୍ରିଲଫୁଲ

ଓଡ଼ିଆ ଭାଷାରେ ଯାହା କହୁଛ

ଶହେ ରେ ନବେ ଭୁଲ,,..

ଓଡିଶା ମାଟିର ଜନମ ହୋଇଲ

ପାଣି ପବନରେ ବଢ଼ିଲ

ଓଡ଼ିଆ ଭାଷାକୁ ପଛରେ ପକେଇ

ବିଦେଶୀ ଭାଷା କୁ କହିଲ....

ବିଦେଶୀ ଭାଷା ଶିଖିବା ପାଇଁକି

କିଏ କରୁଅଛି ମନା

ମାତୃଭାଷା କୁ ଅଣଦେଖା କଲେ

ରୁପା କି ହୋଇବ ସୁନା...

ମାତୃଭାଷାରେ କଥାବାର୍ତ୍ତା ହେଲେ

ବନ୍ଧୁ ବାନ୍ଧବ ବୁଝିବେ

ବିଦେଶୀ ଭାଷାରେ କଥାବାର୍ତ୍ତା ହେଲେ

ପାଗଳ ଟା ବୋଲି କହିବେ....

ଓଡ଼ିଆ ବୋଲି ଯଦି ଗର୍ବ କରୁଛ

ଓଡ଼ିଆ ରେ କଥା କହିବ,

ମାତୃଭୁମି ମାତୃଭାଷା ର ମମତା

ମାନ ମହତ କୁ ରଖିବ.....

ଓଡ଼ିଶା ମାଆ ର ଇଜ୍ଜତ ରଖି

ଓଡ଼ିଶାର ଟେକ ରଖିବ

ଗର୍ବରେ ନିଜ ଛାତିକୁ ଫୁଲେଇ

ବନ୍ଦେ ଉତ୍କଳ ଜନନୀ ଗାଇବ ।