ଲାଇବ୍ରେରୀ
ପ୍ରୋଫାଇଲ୍
ଓଡ଼ିଆ
ଓଡ଼ିଆ
ଲଢ଼ରେ ଓଡ଼ିଆ ଲଢ଼
ଭେଦଭାବ ସବୁ ଛାଡ଼
ତନ୍ଦ୍ରାଳସକୁ ଦୂରେ ତଡ଼
ଅଣ୍ଟାକୁ ସଳଖି ଭିଡ଼
ବାହାରକୁ ଗୋଡ଼ କାଢ଼
ଆଗକୁ ଆଗକୁ ବଢ଼
ଦୂୂୂର ଗଗନରେ ଉଡ଼
ନୂଆ କୀର୍ତ୍ତିରାଜି ଗଢ଼
ନିଜ ହକ୍ ଲାଗି ଲଢ଼଼
ଲଢ଼ରେ ଓଡ଼ିଆ ଲଢ଼
ଲଢ଼ରେ ଓଡ଼ିଆ ଲଢ଼
ଲଢିବା ତୋହର କର୍ମ
ଲଢିବା ତୋହର ଧର୍ମ
ଲଢ଼ିବାରେ ତୋର ଗର୍ବ
ଲଢ଼ିବାରେ ତୋର ଗୌରବ
ଲଢିବାରେ ତୋର ଚୌବର୍ଗ
ଲଢିବା ତୋର ପୁରୁଷାର୍ଥ
ଲଢିବା ତୋର ବିଧି ନିର୍ଦ୍ଧିଷ୍ଟ
ତୁହି ତ ନିମିତ୍ତ ମାତ୍ର
ଲଢ଼ରେ ଓଡ଼ିଆ ଲଢ଼
ନାର୍ଯ୍ୟ ଅଧିକାର ସହିତ
ସଗୌରବେ ମଥା ଟେକି
ବଞ୍ଚିବା ପାଇଁକି ଏଠି
ତୋତେ ଲଢ଼ିବାକୁ ହେବ
ନିଷ୍ଠୁର ନିୟତି ସାଥିରେ
ବାରମ୍ବାର ପ୍ରତିଶୋଧ ଭାବନାରେ
ଜର୍ଜରିତା ବିକ୍ଷୁବ୍ଧା ପ୍ରକୃତି ସାଥିରେ
ଅବିଶ୍ଵାସୀ ପ୍ରତିବେଶୀ ସାଥିରେ
ବରାବର ଅବହେଳା ବୈମାତୃକ
ମନୋଭାବ ପୋଷଣ କରୁଥିବା
କେନ୍ଦ୍ରୀୟ ନେତୃତ୍ୱ ସାଥିରେ
ସଂଘୀୟ ବ୍ୟବସ୍ଥା ସାଥିରେ
ସର୍ବୋପରି ତୋହରି
ବିଡ଼ମ୍ବିତ ଭାଗ୍ୟ ସାଥିରେ
ବିଶ୍ଵ ଇତିହାସ ଅଛି ମୂକସାକ୍ଷୀ
ଲଢ଼ିବା ଭୁଲିଛି ଯେଉଁ ଜାତି
ହୋଇଯାଇଛି ବିଲୁପ୍ତ ଧରାରେ
ନାହିଁ ତାହାର ନାମ ଚିହ୍ନ ବର୍ଣ୍ଣ
ମାନଚିତ୍ରରେ ଭୂଗୋଳ ପୋଥିରେ
ଯେଉଁ ଜାତିଧରିଛି ଅସ୍ତ୍ର ଶସ୍ତ୍ର
ଧରିତ୍ରୀ ହୋଇଛି ତା'ର ବଶ
ବୀର ଭୋଗ୍ୟା ବସୁନ୍ଧରା ନ୍ୟାୟରେ
ଲଢ଼ି ଲଢ଼ି ବୀରଗତି ପ୍ରାପ୍ତ
ହେବାର ଗୌରବ
ନାହିଁ ଚିରକାଳ ଅମେରୁଦଣ୍ଡୀ
ସମ ଅମର ରହିବାରେ ।
