ନ୍ଯାୟ ଅନ୍ଯାୟ ମଧ୍ୟେ ପଞ୍ଚସଖା
ନ୍ଯାୟ ଅନ୍ଯାୟ ମଧ୍ୟେ ପଞ୍ଚସଖା
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ନାରୀ, ନାଗ, ନଦୀ, ନିଆଁ, ନରେଶ
ମନରେରଖି ଭରସା ନକର ଅବିଶ୍ବାସ ।।
ଏ ପଞ୍ଚସଖାଙ୍କ ନୀତି ଏକକୁ ଆରେକ
ମତି ଭ୍ରମହେଲେ ଏମାନେ ବି-ନାସକ।।
=୧=
ନାରୀ ତୁ ଜନନୀ, ଭଗିନୀ, ଜାୟା ରୂପିଣୀ
ତୁହି ଜଗତେ ଭକ୍ତି, ଶକ୍ତି, ମୁକ୍ତି ପ୍ରଦାୟିନୀ ।।
ତୁହି ଚଣ୍ଡୀ, ତୁହି ମା ଚାମୁଣ୍ଡା ବରଦାୟିନୀ
ତୁହି ମା ସୃଷ୍ଟିର ଆଧାର ତୁ ପ୍ରଳୟକାରିଣୀ ।।
=୨=
ଚକ୍ଷୁଶ୍ରବା ନାମେ ସେ ଦୁନିଆ ଦେଖି ଶୁଣେ
ଶତୃପକ୍ଷର ଶବଦ ଜାଣିପାରେ ବିନା କର୍ଣ୍ଣେ ।।
ନାଗ ମାତା ବିଷ ଫିଙ୍ଗେ ଦଂଶି ନପାରିଲେ
ଦ୍ବିଭୁଜ ପତ୍ରୀ ଜିହ୍ଵା ଲହ ଲହ କରି ମାରେ।।
=୩=
ନଦୀ ତୋ ଧାରା ପ୍ରବାହେ ଭୂମଣ୍ଡଳ ସବୁଜିମା
ତୋ କୋଳେ ଜନ୍ମି ମଣିଷ ଦେଖାଏ ଗାରିମା।।
ଆଲୋ ପୂଣ୍ଯତୋୟା ସ୍ରୋତସ୍ଵିନୀ ବାରିଧାରା
ହେ ପୂର୍ଣ୍ଣ ଗର୍ଭା ତୋ ଗତିପଥ ସବୁଠୁ ନିଆରା।।
=୪=
ବନ୍ଦେ ମାଆ ଅନଳ ତେଜୋଦୀପ୍ତ ଅଗ୍ନିଶିଖା
କ୍ରୋଧରୁ ଜନମ ତୋହର ତୁହି ତ ପ୍ରାଣସତ୍ତା ।।
ତୋ ଇଛାରେ ସୃଷ୍ଟି ଧ୍ବଂସ ତୋ ବିନା ଅସମ୍ଭବ
ତୋ ପାଦେ କୋଟି ପ୍ରଣାମ ଧରା ସମ୍ଭାଳି ରଖ।।
=୫=
ହେ ରାଜନ୍, ସତ୍ଯ, ଧର୍ମ ପଥେ ତୁ ପ୍ରଜା ବତ୍ସଳ
ଲୋଭ, ମୋହ, ମାୟାରେ ନାଶ କରୁ ପ୍ରଜାକୂଳ।।
କେତେବେଳେ କେଉଁ ପଥେ ଯାଉ ତୋତେ ଜଣା
ତୋତେ ବୁଝାଇ ଅନେକ ହୋଇଛନ୍ତି ବାଟବଣା ।।