ନୂଆଁଖାଇ ଜୁହାର

ଆମର ପରବ କୋଶଲ ପରବ

      ଆସିଛେରେ ନୂଆଁଖାଇ ।

ଆସ ନାଚି ଡେଗି ଖୁସି ମନାମାଁ 

      ନୂଆଁ ଚାଉଲ ଖାଇ ।

ଆମର ଭାଷା ସମ୍ବଲପୁରୀକେ

      ପରବ ନୂଆଁଖାଇ ।

ସମ୍ବଲପୁରର ମାଟି ମାଁ

       ଆମର ସମଲେଇ ।

ନିଜର ଫସଲର ପହେଲା ଧାନ

     ତାରନୁଁ ଦେମା ଚଢେଇ

ତାର ପାଖେ ଆମେ ଗୁହାରି କରମାଁ

     ରଖବା ଆମକୁ ଘୁଡେଇ ।

ନୂଆଁ ଖାଇକରି ଜୁହାର ଭେଟ

     ହେଉଥିମା ଆମେ ସଭେ 

ବଡବଡିଆ କେ ମୁଡ଼ିଆ ମାରମାଁ

       ଦୁଖ ନାଇଁ ଆସେ କେଭେ ।

ଆମର ଗରବ ସମ୍ବଲପୁରର ମାଟି 

         ଆମର ନୂଆଁଖାଇ ତିହାର 

ଆଜିର ଦିନକେ ସମକୁ ମାନକୁ

       ମୋର କୋଟି କୋଟି ଜୁହାର ।