ନୂଆଖାଇ ଜୁହାର

ନୂଆ ଖାଇ ତିହାର୍ ଆସିଛେ

ସବୁ ଆଡ଼େ ନୂଆ ନୂଆ ଲାଗୁଛେ,

ନୂଆ ପିନ୍ଧନ୍ ନୂଆ ମନ୍

ସତେ ମନ୍ ଟା ଗହକି ଯାଉଛେ l

ରାଗ୍ ଋଷା ସଭେ ଛାଡ଼ି

ଗୋଟେ ଠାନେ ବସୁଛନ୍,

ଝଗ୍ଡା ଝାଟି ଯେତେ ଥିଲେ ବି

ଭାଇ ଭାଇ ସାଙ୍ଗେ ମିଶୁଛନ୍ l

ଘର୍ କେ ଫିରି ଆସିଛେ

ମୋର୍ ପର୍ଦେଶିଆ ଭାଇ,

ନୂଆ ତିଆର୍ ମନାମି ବୋଲି

ପର୍ଦେଶ କେ ଛାଡ଼ିଦେଇ l

ମାଁ ଗୋ ମୋର୍ ମାଁ ମାଣିକେଶ୍ଵରୀ

ତୋର୍ ପାହା ତଲେ କୋଟି ମୁଡ଼ିଆ,

ଇ ବଛର ବି ଖୁସିନେ କଟୁ

ହେଇଥିବୁ ଗୋ ସବୁବେଲେ ସାହା l

ସର୍ଦ୍ଧା ମନେ ସଭ୍ କେ

ନୂଆ ଖାଇର୍ ନୂଆ ଜୁହାର୍,

ଦୟାନିଧିର୍ ହୁରୁଦ୍ ଭିତୃ

ସଭ୍ କୁ ମୋର୍ ନୂଆ ଖାଇ ଜୁହାର ।