ସତରେ କ’ଣ ଏ ସ୍ଵାଧୀନ ଭାରତ

ସତରେ କ’ଣ ଏ ସ୍ଵାଧୀନ ଭାରତ 

        ବ୍ରିଟିଶ୍ ମୋ ଭୂମି ଛାଡ଼ିଲା

        ସତସ୍ତରି ବର୍ଷ ଯେ ବିତିଲା

    ସ୍ବାଧୀନତାର ସ୍ଵାଦ କିଏ ଚାଖିଚି କୁହତ

    ସତରେ କ’ଣ ଏ ସ୍ଵାଧୀନ ଭାରତ l

କଣ ସ୍ଵାଧୀନତା ଏକ ଅଭିନୟ ମାତ୍ର

        ଯେଉଁଠି ମିଳିବନି ଉଚିତ୍ ନ୍ୟାୟ

         ସବୁଠି ବିଦ୍ୟମାନ ଦୁର୍ନୀତି ପ୍ରାୟ

    କଣ ଇଏ ଗାନ୍ଧୀଙ୍କ ରାମରାଜ୍ୟ ଭାରତ

     ସତରେ କ’ଣ ଏ ସ୍ବାଧୀନ ଭାରତ l

 କୁହ କେତେଦିନ ଆଉ ଏ ଦେଶ ଦେଖିବ

         ନିରୀହ ଗରିବର ସେ ଦାରିଦ୍ର୍ୟତା 

         କୁହ କୁଆଡେ଼ ଗଲା ସେ ସମାନତା

    କେମିତି କହିବି ମୁଁ ଏଯେ ନବ ଭାରତ

     ସତରେ କ’ଣ ଏ ସ୍ବାଧୀନ ଭାରତ l

ପ୍ରଗତି ନାଁରେ ଆଉ କେତେ ପ୍ରହସନ

         ଅଗମ୍ୟ ଗାଁରେ କାହିଁ ବିଜୁଳି କି ପକ୍କା ସଡ଼କ

           ଏଠି ସେଠି ମାଳମାଳ ଖାଲି ମିଛ ଫଳକ

       କୁହ କ’ଣ ଏ ମୋ ଉନ୍ନତ ଭାରତ

       ସତରେ କ’ଣ ଏ ସ୍ଵାଧୀନ ଭାରତ l

କେବେ ହେବ ସେ ସୁନାର ଭାରତ

            ଥିବ ଯେଉଁଠି ନବ ଆଶାର ଆଲୋକ 

            ବ୍ୟାପିବ ସର୍ବତ୍ର ସତ ପ୍ରଗତିର ମହକ

       ତେବେ ତ ଦୟାନିଧି କହିବ 

        ଇଏ ମୋ ସ୍ଵାଧୀନ ଭାରତ 

       ହଁ ହଁ ଇଏ ମୋ ସ୍ଵାଧୀନ ଭାରତ l

           ***🙏🙏🙏***