ନୂଆ ନୂଆ ଲାଗେ

ତୁମେ ଯେତେବେଳେ ଆସିଗଲ‌ ସ୍ମୃତି

ମୋତେ ଲାଗେ ନୂଆ ନୂଆ

ଅନେକ ଦିନରୁ ବାହାରିଲା ସତେ

ପାଉଁଶ ତଳରୁୁ ଧୂଆଁ ।

ଧୂଆଁ ନୁହେଁ ସେତ ପ୍ରୀତି କୁହୁୁୁୁଳିିିକା

ଘେରି ଯାଏ ତନୁ ମନ

ଆପଣା ସ୍ବାର୍ଥରୁ ବିଚ୍ୟୁତ ହୋଇ ମୁଁ

ଭାବନାରେ ଯାଏ ଦିନ ।

ତୁମେ ଚଖାଇଲ ପ୍ରୀତି ମଧୁ ସ୍ବାଦ

ଭୁଲିବିନି କେବେ ସାଥୀ

ତୁମ ଆଖିରେ ମୁଁ ଦୁୁୁନିଆଁ ଦେଖିଲି

ଚନ୍ଦ୍ର ତାରା ରଖି ସାକ୍ଷୀ ।

ଶୀତର ପରଶ ଅମୃତ ପିିିିୟୂଷ

ଉତ୍ତାପେ ଶିିିତଳ ବର୍ଷା

ଅଭିିିମାନ ତୁମ ନିଝୁମ ଶ୍ରାବଣ

ମନରୁ ଲଭାଏ ତୃଷା ।

ନିଶି ଅନ୍ଧକାରେ ଉଜ୍ଜଳିତ ଇନ୍ଦୁ

ତୁମ ପାଇଁ ହାତେ ପାଏ

କେତେ ସୁଖ ମୋତେ ଉପହାରେ ଦେଲ

ପଡ଼ିଛି ତୁମରି ମୋହେ ।

ନିଷ୍କଳଙ୍କ କରି ଗଢି ଦେଲ ଭାଗ୍ୟ

ଖଂଜିଣ ବିିଶ୍ଵାସ ଧନ

ତୁମେ ସ୍ମୃତି ପରୀ ତନ୍ଦ୍ରା ଅପସରୀ

ଜିତି ଗଲ ମୋର ମନ ।