ନୂଆ ଦୁନିଆ
ନୂଆ ଦୁନିଆ
ହଳ କି ବଳଦ ଅବା ଲଙ୍ଗଳ ଘରେ ନାହିଁ
ଚାଷ ଜମିର ଠିକ ଠିକଣା ଜଣା ବି ନାହିଁ;
ପୁଅ ପରା ଏବେ ନୂଆ ଚାଷୀ ପାଲଟିଛି
ଡାଇରେକ୍ଟ ସେବା ସରକାର ଯୋଗାଉଛି।
ଗୋଟେ ନୂଆ ଦୁନିଆକୁ ରାସ୍ତା ଖୋଲାଯାଇଛି
ଏକ ଟଙ୍କିଆ ରାଶନ ଚାଉଳ ବହୁତ ଆଛା
ତାସଙ୍ଗେ ସରକାରଙ୍କ କାଳିଆ ଯୋଜନା;
ଛ ମାସେ ୨ହଜାର ଟଙ୍କା ଦିଅନ୍ତି ମୋଦିଜି
ଘରେ ବସି ପୁଅ ବେକାରି ଭତ୍ତା ପାଉଛି।
ଗୋଟେ ନୂଆ ଦୁନିଆକୁ ରାସ୍ତା ଖୋଲାଯାଇଛି
ଏପଟେ ଶ୍ରୀଲଙ୍କା ସେପଟେ ପାକିସ୍ତାନ
ଦୁଇ ଦେଶରେ ଏକ ପରି ଅବସ୍ଥା ଜାଣ;
ଇମ୍ରାନ ଖାନ ଏବେ ଭାରତକୁ ଟେକିଲାଣି
ଶ୍ରୀଲଙ୍କା ମୋଦିଜିକୁ ନିବେଦନ କରୁଅଛି ।
ଗୋଟେ ନୂଆ ଦୁନିଆକୁ ରାସ୍ତା ଖୋଲାଯାଇଛି !
ଭାରତ ସଙ୍ଗେ ରୁଷର ମିତ୍ରତା ବଢି ଚାଲିଛି
ତେଣୁ ଭାରତ ୟୁକ୍ରେନକୁ ସାହାଯ୍ଯ କରୁନି;
ରୁଷ-ୟୁକ୍ରେନ ଘମାଘୋଟ ଲଢେଇ ଚାଲିଛି
ଅନ୍ୟକୁ ଦାନ କରି ଭାରତ ମହାନ ହେଇଛି।
ଗୋଟେ ନୂଆ ଦୁନିଆକୁ ରାସ୍ତା ଖୋଲାଯାଇଛି !
ଏମିତି ମିତ୍ରତା ଚୀନ ସଙ୍ଗେ ଭାରତର ଥିଲା
ଅଳ୍ପ ମୂଲ୍ଯରେ ଆମଦାନୀ ରପ୍ତାନୀ ଚାଲିଥିଲା;
ଯେମନ୍ତେ କୁସୁମ ପରଶେ ପଟ ନିସ୍ତରିଲା ପରି
ଚୀନ ଭାରତର ସୀମା ଲଙ୍ଘି ଆଗକୁ ପଶିଆସୁଛି
ଗୋଟେ ନୂଆ ଦୁନିଆକୁ ରାସ୍ତା ଖୋଲାଯାଇଛି.....!