ନୂଆ ବର୍ଷର କିଛି ଅନୁଭୂତି
ନୂଆ ବର୍ଷର କିଛି ଅନୁଭୂତି
ବିଗତ ବର୍ଷର କିଛି ପ୍ରତାରଣା
ନେଇ ଆଉ କିଛି ପ୍ରତିଶ୍ରୁତି
ସାଉଁଟି ଚାଲିଛି ମୁଁ ମୋ ନୂଆ ବର୍ଷର
ନୂଆ ସୃଷ୍ଟିର ନୂଆପୃଷ୍ଠାରେ ଉପସ୍ଥାପିତ
କରିବାକୁ ମୋ'ର କିଛି
ନୂତନତାର ମୂଲ୍ୟଭିତ୍ତି
ନୂତନ ଚିନ୍ତନର ଆଦର୍ଶ ଓ ନୀତି
ଏ ମୋ'ର ଏ ନବ ବର୍ଷର ନୂଆ ପ୍ରୟାସ
ଜୀବନେ ଯୋଡିବାକୁ ଚାହେଁ
ଏ ନୂଆ ବର୍ଷର କିଛି ଅନୁଭୂତି ।
କିଛି ନୂଆ ସ୍ଥିତି କିଛି ପରିସ୍ଥିତି କୁ ନେଇ
ସୃଷ୍ଟ ଆମ ଜୀବନର ପରିସ୍ଥିତି
ଆଶାବାଦୀ ଆମେ ଏ ଜୀବନେ
ଗାଇବାକୁ କିଛି ଜୀବନର ନୂଆଗୀତି
କେତେ ଭାବବାଦୀ ଆମେ
ଭାବେ ଲଗାଏ କେତେ ପ୍ରିୟାପ୍ରୀତି
ବଞ୍ଚି ବଞ୍ଚାଇବାର ସଂଜ୍ଞା
ଖୋଜୁଛେ ଆମେ ଧରାରେ ନିତି ନିତି
ଅନ୍ୟାୟ ଅନୀତି ର ପ୍ରାଚୀର ଭାଙ୍ଗି
କିପରି ଗଢିବା ଆମେ ଏ ସମାଜେ
ନୂତନ ସଂସ୍କାରିତ ନୀତି
ସଭିଏଁ ପାଇବେ ଆଲୋକ
ସଭିଏଁ ପାଇବେ ପୁଲକ
ସର୍ବ ଶ୍ରେଷ୍ଠ ର ଆଖ୍ୟାକୁ କିପରି ବଜାୟ
ରଖିପାରିବ ଏ ମାନବ ଜାତି
ନୂଆ ବର୍ଷରେ କିଛି ନୂତନ ସଂକଳ୍ପ ନେଇ
ଖୋଜୁଛି ମୁଁ ନୂଆ ବର୍ଷର ନୂଆ ଅନୁଭୂତି ।
ପରିବାର, ପରିବେଶ
ସଭିଙ୍କ ମଧ୍ୟେ ନୂଆ ନୂଆ ଉନ୍ମାଦନା
କେତେ ଜାଗ ଯଜ୍ଞ କେତେ ଉପାସନା
ସଭିଙ୍କ ମନ ଆନମନା
ନୂତନତାର ଅନ୍ଵେଷଣ ପ୍ରତିଅନ୍ଵେଷଣ
ପରସ୍ପର ମଧ୍ୟେ ପରସ୍ପର ଚାହାଁନ୍ତି
ରଚିବାକୁ ସ୍ନେହ, ଶ୍ରଦ୍ଧା, ପ୍ରେମ, ମୈତ୍ରୀ ଓ ଶାନ୍ତି
ବିଞ୍ଚିବାକୁ ଚାହାଁନ୍ତି ଭାଇଚାରାର ମଞ୍ଜି
ବାଣ୍ଟିବାକୁ ଚାହାଁନ୍ତି ପରସ୍ପର ମଧ୍ୟେ
ଭ୍ରାତୃତ୍ଵ ଭାବର ଭାବ ପ୍ରୀତି
କିଛି ସ୍ମୃତି ଆଉ କିଛି ଅନୁଭୂତିର
ସମ୍ମିଶ୍ରଶଣେ ବଞ୍ଚେ ଓ ବଞ୍ଚିଛି ଏ ମଣିଷ ଜାତି
ଅଭୁଲା ମନର କିଛି ନୂତନତ୍ବ କୁ ସଙ୍ଗେ ଧରି
ଆସିଛି ଆଜି ଆମ ଏ ନୂତନ ବର୍ଷ
ସାଥେ ଆଣିଛି କିଛି ବିଗତ ଦିନର ସ୍ମୃତି
ଆଉ ନୂଆ ବର୍ଷର କିଛି ଅନୁଭୂତି
ପୁଣି ସାଥେ ଆଣିଛି ସେ କେତେ କେତେ
ନୂଆ ନୂଆ ସାଙ୍ଗ ସାଥୀ
ନୂତନ ଉନ୍ମାଦନା, ନବ ପୁଲକ ସହ ନୂଆ ପ୍ରୀତି ।