ନମଃ ନମଃ ହନୁମନ୍ତ

ଜୟ ହେ ଅଞ୍ଜନାସୂତ ଜୟ ହେ ମାରୁତି l

ସ୍ମରଣରେ ତବ କଟେ ଭବ ଭୟ ଭୀତି ll

ମହା ବଳବନ୍ତ ପ୍ରଭୋ ଶ୍ରୀରାମ ସେବକ l

ସୁଖ ଶାନ୍ତି ଅର୍ଥ କାମ ମୋକ୍ଷ ପ୍ରଦାୟକ ll

ତବ ନାମେ ଭୂତ ପ୍ରେତ ରହିଥାନ୍ତି ଦୂରେ l

ତବ ବିନା ସଞ୍ଜୀବନୀ କିଏ ଆଣିପାରେ ll

ପବନ ଗତିରେ ପ୍ରଭୋ ସାଗର ଲଂଘିଲ l

ରାବଣପୁରୀରେ ପଶି ସୀତା ଠାବକଲ ll

ରାକ୍ଷସ ପୁରୀରେ ଶୁଣି 'ରାମ' ଉଚ୍ଚାରଣ l

ସାକ୍ଷାତ ଗଳେ ଧରିଲେ ଭକ୍ତ ବିଭୀଷଣ ll

ଅଶୋକ ବନ ଉଜାଡ଼ି ବୃକ୍ଷ ଭାଙ୍କି ଝଙ୍କା l

ଜାନକୀଙ୍କୁ ଦେଲ ପରା ସୁବର୍ଣ୍ଣ ମୁଦ୍ରିକା ll

ଲାଙ୍ଗୁଳଅଗ୍ନିରେ ଦେଲ ସ୍ଵର୍ଣ୍ଣଲଙ୍କା ଜାଳି l

ପ୍ରମାଦେ ରାବଣ ଦଶଶିର ରହେ ଭାଳି ll

ଅସୁରେ ଆସିଲେ ସର୍ବେ ପର୍ବତଆକାର l

ଗୋଡ଼ାଇ ମାରିଲ କରି ପର୍ବତ ପ୍ରହାର ll

ନମଃ ନମଃ ଅଷ୍ଟସିଦ୍ଧି, ନବନିଧି ଦାନୀ l

ନମଃ ନମଃ ହନୁମନ୍ତ ନମସ୍ତେ ପାବନି ll