ନମଃ ଗଣପତି ବାବା
ନମଃ ଗଣପତି ବାବା
ପାର୍ବତି ନନ୍ଦନ ଆସହେ
ପଥ ରହିଛୁ ଚାହିଁ
ସଦ୍ୟ କୁସୁମରେ ତୁମକୁ
ପ୍ରଭୁ ଦେବୁ ସଜାଇ
ବକ୍ର ତୁଣ୍ଡ ବିଘ୍ନ ନାଶନ
ତୁମ୍ଭ ତନୁ ଶୋଭନ
ଶୁଭ୍ର ଉପବୀତ ସ୍କନ୍ଦରେ
ପ୍ରଭୁ ଦୁଃଖ ନାଶନ
ରଖିଛୁ ଅକ୍ଷତ ସଜାଡି
ଧୂପ ଦୀପ ଚନ୍ଦନ
ଲଢୁ ନାରିକେଳ ଅର୍ପଣ
କରି କରୁ ବନ୍ଦନ
ଦିଆ ବିଦ୍ୟାବୁଦ୍ଧି ଆମକୁ
ସଦ ବୁଦ୍ଧି ଉଦୟ
ତୁମ ନାମ ଧରି ତୁଣ୍ଡରେ
ଲବୁ ସର୍ବତ ଜୟ
ସଂସାର ରକ୍ଷଣ ପ୍ରଭୁ ହେ
ଯାଏ ରଜନୀ ପାହି
ସିନ୍ଦୁରା ଫାଟିବ ଆକାଶୁ
ରବି ଆସିବେ ଉଇଁ
ପ୍ରକୃତି ଦିଶିବ ସୁନ୍ଦର
କରୁ ଅଛୁ ସ୍ୱାଗତ
ବନ୍ଦନା କରୁଛୁ ପୟରେ
ଘୁଞ୍ଚୁ ସର୍ବ ବିପଦ
ଜୟ ଜୟ ଗଣପତି ହେ
ସଙ୍ଗେ ମୂଷିକ ରାଜ
ସର୍ବ ସିଦ୍ଧି ଦାତା ଗଣେଶ
ଘେନ ପ୍ରଣାମ ଆଜ
ନିଦ୍ରା ଦେବି କଲେ ସ୍ୱାଗତ
ଚକ୍ଷୁ ନୁହଇ ସ୍ଥିର
ସକାଳକୁ କରି ଅପେକ୍ଷା
ପୟରେ ଯୋଡ଼େ କର ।।