🎂🎂🎂ନିସ୍ତାରଣ ଦ୍ବାର🎂🎂🎂

ନିସ୍ତାରଣ ଦ୍ବାର ପ୍ରେମ ଭକ୍ତି ସେବା

ସତ୍ୟ ଧର୍ମ ଜ୍ଞାନ ସାର,

ପ୍ରେମର ଭକ୍ତିରେ ତରିବାର ମାର୍ଗ

                 

ଜଗନ୍ନାଥ ଭକ୍ତି ସାର।୧।

ଭାବଗ୍ରାହୀ ପ୍ରଭୁ ଭାବହିଁ ରଖନ୍ତି

ପଦ ସେବୁ ଥିବୁ ନିତ୍ୟେ,

ନିସ୍ବାର୍ଥ ଭକ୍ତିରେ ପ୍ରେମ ପୁଷ୍ପାଞ୍ଜଳି

ଅର୍ପଣ କରିବୁ ନିତ୍ୟେ।୨।

ଆସି ଥିଲୁ ତୁହି ଲଙ୍ଗଳା ହୋଇରେ

ଯିବୁହିଁ ଲଙ୍ଗଳା ହୋଇ,

ମୋର ମୋର ନିତ୍ୟେ କହୁ ଥାଉ ତୁହି

ନାହିଁରେ ତହର କେହି।୩।

ମାୟା ମୋହ ଲୋଭ ଅତିହିଁ ଘାତକ

ଦୂର କରିଦେବୁ ପ୍ରାଣେ,

ଧର୍ମ ସତ୍ୟ ତ୍ୟାଗ ପବିତ୍ର ମନ୍ତ୍ରକୁ

ଭରି ଦେବୁ ମନ ପ୍ରାଣେ।୪।

ଜନକଲ୍ୟାଣରେ ଭକ୍ତି ରଖି ଥିବୁ

ନିସ୍ବାର୍ଥେ ସେବିବୁ ଜନ,

ସମଭାବ ମନ୍ତ୍ର ଜୀବନେ ଆଣିବୁ

ସମାନତା ଜନମନ।୫।

ନିସ୍ତାରଣ ଦ୍ବାର ପ୍ରେମ ଭକ୍ତି ସେବା

ସତ୍ୟ ଧର୍ମ ଜ୍ଞାନ ସାର,

ପ୍ରେମର ଭକ୍ତିରେ ତରିବାର ମାର୍ଗ

ଜଗନ୍ନାଥ ଭକ୍ତି ସାର।୬।