🍩ଅଦୁର୍ଶେ ଆସିଛି ଅପୂର୍ବ ଶକ୍ତି🍩

କୃଷ୍ଣ ରାମ ଦେଶେ ଆବିର୍ଭାବ ଶକ୍ତି

ତା ମହିମା ଗୁଞ୍ଜୁ ଅଛି,

କର୍ତ୍ତବ୍ୟେ ଜଡ଼ିତ ଜନ ପ୍ରତି ପ୍ରେମ

ଶିକ୍ଷା ବିଶ୍ବେ ଦେଉ ଅଛି।୧।

ଧର୍ମ ଆତ୍ମା ସେହୁ ସ୍ବାର୍ଥ ନାହିଁ କିଛି

ଦିନରାତି ରାଷ୍ଟ୍ର ସେବା,

ଆତ୍ମନିର୍ଭରଟି କିପରି ହୋଇବ

ଅର୍ହନିଶି ଜନସେବା।୨।

ମାତୃ ପ୍ରତି ପ୍ରେମ ରହିଛି ମନରେ

ରାଷ୍ଟ୍ର ଭକ୍ତି ସର୍ବୋପରି,

ଅଳ୍ପ ହିଁ ସମୟେ ଜନ ଗହଳିରେ

ବିଶ୍ୱାସ ଦେଲେ ହିଁ ଭରି।୩।

ଗ୍ରାମୀଣ ଭାରତେ ବିଶ୍ୱାସ କୀରଣ

ଦେଉ ଛନ୍ତି ନିତ୍ୟେ ଭରି,

ସବୁ ସୁବିଧାରେ ସଜ୍ଜିତ ଗ୍ରାମୀଣ

ଅଧିକାର ଦେଲେ ଭରି।୪। 

ଦୀର୍ଘ ବର୍ଷ ପରେ ସ୍ବାଧୀନତା ସୁଖ

ନେତ୍ରେ ଦେଖୁ ଅଛି ଗାଆଁ,

ଶିକ୍ଷାର ବ୍ୟବସ୍ଥା ଶକ୍ତିଶାଳୀ ଏବେ

ଅନୁଭବ କରେ ଗାଆଁ।୫।

ଆତ୍ମନିର୍ଭରଟି ସୈନିକ ଆମର

ଗର୍ଜନ କରନ୍ତି ଭବେ,

ଶତ୍ରୁ ଦେଶ କମ୍ପେ ଭୟଭୀତ ହୋଇ

ଶକ୍ତିଶାଳୀ ସେନା ରାବେ୍ ।୬।

ସବୁ କ୍ଷେତ୍ରେ ଆଜି ଆତ୍ମନିର୍ଭରଟି

ପୂର୍ଣ୍ଣ କରି ଦେଲେ ସେହୁ,

ରାମରାଜ୍ୟ ପରି ଶାସନ ଚାଲିଛି

ବିଶ୍ବେ ଗୁଞ୍ଜୁ ଅଛି ଏହୁ।୭।

ଯାହା କହୁଛନ୍ତି ପୂର୍ଣ୍ଣ କରୁଛନ୍ତି

ମିଥ୍ୟା ନାହିଁ ମାତ୍ର ତିଳେ,

ଈଶ୍ବରୀୟ ଶକ୍ତି ଆବିର୍ଭାବ ଅବା

ଦେଖୁ ଅଛି ନେତ୍ର କଳେ।୮।

ଛୁଟି ନାହିଁ ଦିନେ କର୍ତ୍ତବ୍ୟ ପଥରେ

ପଥଗାମୀ ସଦା ସେହୁ,

ଜନତା କଲ୍ୟାଣେ ସମର୍ପଣ ଭାବ

ରଖିଛନ୍ତି ମହାବାହୁ।୯।

କୃଷ୍ଣ ରାମ ଦେଶେ ଆବିର୍ଭାବ ଶକ୍ତି

ତା ମହିମା ଗୁଞ୍ଜୁ ଅଛି,

କର୍ତ୍ତବ୍ୟ ଜଡ଼ିତ ଜନ ପ୍ରତି ପ୍ରେମ

ଶିକ୍ଷା ବିଶ୍ବେ ଦେଉ ଅଛି।୧୦।