ଜବାବ ଦିଅ ଭଗବାନ

କେଉଁଥି ପାଇଁକି ଏତେ ଭେଦଭାବ

ତିଆରିଲେ ଭଗବାନ

ଜଣକୁ କରିଲେ ଅତେ ବଡ କିଆଁ

ଆଉଜଣେ ଏତେ ହୀନ I

ସୃଷ୍ଟି କରତାଙ୍କ ଧରମ ନିକିତି

ତଉଲୁଛି ବଡ ସାନ

ସେଥିପାଇଁ କଣ କପାଳ ମୋ ମନ୍ଦ

ହୁ୍ଏ ଏତେ ହୀନିମାନ I

କୁହ ମୋତେ କୁହ ଭଗବାନ ତୁମେ

ଜବାବ ମାଗୁଛି ଆଜି

କେତେଜଣ କିଆଁ କଷ୍ଟ ଭୋଗୁଛନ୍ତି

ସବୁତକ ସୁଖ

ଭୋଗନ୍ତି କେତୋଟି ପାଜି I

ତୁମ ଦରବାରେ ଭେଦବାବ ନାହିଁ

କୁହେ ଧର୍ମ ଧ୍ୱଜାଧାରୀ

ସିଏ କିନ୍ତୁ ଠକି ହାତେଇ ନେଉଛି

ସବୁ ସୁଖ ସବୁ ଶିରୀ I

ଉତ୍ତରଟେ ମୋତେ ଦିଅ ଭଗବାନ

ଉତ୍ତରଟେ ମୋତେ ଦିଅ

ନପାରିବ ଯଦି ଠକ ତାଲିକାରେ

ମୋ ନାଁ ଲେଖିଦିଅ I