ନିଷ୍ପତି ଅଛି ଆମ ହାତରେ

ନଥିଲେ ନଥାଉ ଆମ ହାତେ ଭାଗ୍ୟ- ନିଷ୍ପତି ଅଛି ହାତରେ,

ଭାଗ୍ୟ ତ ନିଷ୍ପତି ବଦଳାଏ ନାହିଁ ସିଏ ବଦଳିବ ଧୀରେ |

ଭଲକାମ ପାଇଁ ପ୍ରଶଂସା ସମ୍ମାନ କିଏ ଦେଉ ବା ନ ଦେଉ,

ଅନ୍ୟଦ୍ୱାରା ତାହା ଅଣଦେଖା ହେଲେ ନିଜପାଇଁ ଭାଲଥାଉ |

ପ୍ରତ୍ୟେକ ସ୍ଥିତିକୁ ନିୟନ୍ତ୍ରଣ କରି ପାରିବା ତ ଅସମ୍ଭବ,

ନିଜ ଆସ୍ଥାଭାବ ହିଂସା-କ୍ରୋଧ-ରାଗ ନିୟନ୍ତ୍ରଣ କରିହେବ |

ବଡ଼କଥା କହି ବୁଝେଇ ନ ପାରି ଲୋକହସା ହେବା ସାର,

ଛୋଟିଆ କଥାକୁ ଭଲଭାବେ ବୁଝି କହିଲେ ଲାଗେ ମଧୁର |

ଆତ୍ମ-ବିଶ୍ୱାସର ଇଞ୍ଜିନ ଲେଗିଲେ ଚାଲେ ସଫଳତା ଗାଡ଼ି,

ଭାଗ୍ୟ-ନିଷ୍ଠା-ଶ୍ରମ ଶୃଙ୍ଖଳାର ଡବା ବଳେବଳେ ଯାଏଗଡ଼ି |