ନିସଙ୍ଗ ରାଧିକା
ନିସଙ୍ଗ ରାଧିକା
ମୋର ଅପହଂଚ ଦ୍ବାରିକାରେ
ତୁମେ କଣ
ସୁଖ ନିଦ୍ରା ଯାଇ ପାର ଶ୍ୟାମ ?
ବୃନ୍ଦାବନ ଠାରୁ କିବା
ଆଜି ପ୍ରିୟ
ରାଜ ସିଂହାସନ??
ବଂଶୀ ସ୍ବନ ସୁର ତୋଳି
ଗାଏ ନାଇଁ ରାଧିକା ...ରାଧିକା
କୁଞ୍ଜ ବନେ ଯାଏ ନାଇଁ କେହି
ଅର୍ଦ୍ଧ ରାତ୍ରେ ଲୁଚି ଲୁଚି
ସାଜି ତୁମରି ପ୍ରେମିକା ।
ତୁମେ କଣ
ବୁଝ ନାଇଁ
ଏକଥା ମୋହନ
କୃଷ୍ଣ ବିନା
ରାଧା ହସେ ନାଇଁ
ହସେ ନାଇଁ କଦମ୍ବ ,ଯମୁନା ା
ସବୁ ଜାଣି ହେ କପଟୀ
ଚାଲି ଗଲ ଏକା ।
ସାଙ୍ଗେ ଥାଇ ଅଷ୍ଟ ପାଟ ବଂଶୀ
ପ୍ରିୟ ପତ୍ନୀ ଋକ୍ମିଣୀ ଓ ସତ୍ୟା
ତଥାପି ହେ ସଖା...
ଅମାନିଆ ମନ ମୋର
ମୋତେ ପ୍ରଶ୍ନ କରେ
ଖୋଜୁଛ କି ତୁମେ ମୋତେ
ଦ୍ବାରିକା ର ରାଣୀ ଅନ୍ତ8ପୁରେ ।