କହଇ ମନ ଆରେ ମୋ ବୋଲ କର

କହ ଇ ମନ ଆରେ ମୋ ବୋଲ କର

ଦୋଳ ବିମାନରେ ବିଜେ ରାଧାକୃଷ୍ଣ 

ଦେଖିଯିବା ବେଗି ଚାଲ ।

ଗହଳ ଚହଳ ମେଳଣ ପଡିଆ 

ଚାଲିଅଛି ହୋରି ଖେଳ

ନାମ ସଙ୍କୀର୍ତ୍ତନ ଘଣ୍ଟଘଣ୍ଟା ନାଦ

ଶୁଭେ ହରି ହରି ବୋଲ

ରଙ୍ଗର ଅବିର ବୋଳିହେବା ମୁହେଁ

ପ୍ରେମାନନ୍ଦେ ହେବା ଭୋଳ ।

ରାଧା ଗୋପୀନାଥ ବୃନ୍ଦାବନ ଚନ୍ଦ୍ର 

କୃଷ୍ଣ ମଦନମୋହନ 

ଗୋବିନ୍ଦ ମାଧବ ଗୋପାଳ କେଶବ

ରସରାସେ ହୋଇ ମଗ୍ନ 

ଖେଳୁଛନ୍ତି ମାରି ରଙ୍ଗ ପିଚକାରୀ

ହେବା ଆମେ ମସଗୁଲ ।

ଫଗୁବୋଳା ତିଥି ଫଗୁଣ ପୂର୍ଣ୍ଣମୀ

ଆନନ୍ଦ ଉଲ୍ଲାସ ଦିନ

ଉଠିବ ରେ ମନ ଉତ୍ତାଳ ତରଙ୍ଗ 

ଭାବରେ ହେଲେ ତଲ୍ଲୀନ 

ଦେଖି ପ୍ରେମମୂର୍ତ୍ତି ହେବା ପୂର୍ଣ୍ଣକାମ

ଜୟ ରାଧାକୃଷ୍ଣ ବୋଲ ।