Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Santosh Kumar Nayak

Abstract Inspirational Others


3  

Santosh Kumar Nayak

Abstract Inspirational Others


ନିର୍ଯ୍ୟାତିତ ପୁରୁଷ

ନିର୍ଯ୍ୟାତିତ ପୁରୁଷ

1 min 429 1 min 429


ନାରୀ ପାଇଁ ଚାଲେ ସଭା ଓ ସମିତି

ନାରୀ ପାଇଁ ଆନ୍ଦୋଳନ,

ନାରୀ ନିର୍ଯ୍ୟାତନା ଶୁଣି ଧାଇଁ ଆସେ

ଦୂରୁ ନାରୀ କମିଶନ ।


ପୁରୁଷ ଯାତନା କେ କାହୁଁ ବୁଝିବ?

ପୁରୁଷ ପା ବଳବାନ,

ପୁରୁଷ ପ୍ରଧାନ ଦେଶ ବୋଲି ଆମ

ପୁରୁଷର ନାହିଁ ମାନ ।


ଫଳପରେ ଛୁରୀ ପଡୁ ଅବା ଏଠି

ଛୁରୀପରେ ପଡୁ ଫଳ,

ସବୁବେଳେ ପରା ଫଳ ହିଁ କଟଇ

କି ଲାଭ ଥାଇକି ବଳ ?


କେତେ ଯେ ପୁରୁଷ ନିର୍ଯ୍ୟାତିତ ତାହା

କା ପାଖେ ନାହିଁ ଖବର,

ଲକ୍ଷ ଲକ୍ଷ ମଧ୍ୟେ ସୁଶାନ୍ତ ଆଦିତ୍ୟ 

ଦୁଇଟି ଦୃଷ୍ଟାନ୍ତ ମାତ୍ର ।


ଯୌତୁକ ଧର୍ଷଣ ନାରୀ ଅପମାନ

ସବୁବେଳେ ନୁହେଁ ଫନ୍ଦି,

ହେଲେ ବହୁଥର ମିଛରେ ମିଛରେ  

ପୁରୁଷ ହୁଅଇ ଧନ୍ଦି ।


ଭାର୍ଯ୍ୟାଳୟ ଠାରୁ କାର୍ଯ୍ୟାଳୟ ଯାଏଁ

ଚାଲେ ନାରୀ କରାମତି,

କହି ପାରେ ନାହିଁ ପୁରୁଷ ବିଚରା

ସହି ଚାଲିଥାଏ ନିତି ।


ଅଙ୍ଗନବାଡ଼ିରୁ ସଚିବାଳୟ ଯେ

ନାରୀ ପାଇଁ ସଂରକ୍ଷିତ,

ସଶକ୍ତିକରଣ ନାମରେ ଖୋଳୁଛି

ପୁରୁଷ ପାଇଁ ସେ ଗାତ ।


ନାରୀ ଯଦି ପ୍ରେମେ ଧୋକା ଦିଏ ତେବେ

ପୁରୁଷ ଧରେ ବୋତଲ,

ପୁରୁଷ ପ୍ରେମରେ ଧୋକା ଦେଲେ କାହିଁ

ଯିବାକୁ ପଡ଼ଇ ଜେଲ ?


ଗଣତନ୍ତ୍ର ପରା ସମାନତା ଚାହେଁ

ତେବେ କାହିଁ ଭେଦଭାବ?

ପୁରୁଷର ମାନ ରଖିବାକୁ କେବେ

କମିଶନ ଗଢା ହେବ ?


ଜାଗରେ ଜାଗରେ ପୁରୁଷ ସମାଜ

ମାଗ ନିଜ ଅଧିକାର,

କେତେ ଦିନ ଆଉ ସହି ଚାଲିଥିବ

ସମାଜର ଅତ୍ୟାଚାର ।



Rate this content
Log in

More oriya poem from Santosh Kumar Nayak

Similar oriya poem from Abstract