ଲାଇବ୍ରେରୀ
ପ୍ରୋଫାଇଲ୍
ନିର୍ବିକାର
ନିର୍ବିକାର
1 min
129
ନିର୍ବିକାର ମୋତେ କରି ଦିଅ ପ୍ରଭୁ
କୃପା କରି ମୋହ ଠାରେ
ତୁମ ବିନା ଆଉ କିଛି ଲୋଡ଼ା ନାହିଁ
ଭାବ ପାରାବାରେ
ଦୂର କରିଦିଅ ମନ ରୁ କାମନା
ତୁମରି ଚରଣେ କରେ ମୁଁ ପ୍ରାର୍ଥନା
କାମନା ବାସନା ମନରେ ରହିଲେ
ଧାର୍ମିକ ଭାବନା ଆସେ ନାହିଁ ତିଳେ
କାମନା ରେ ଅନ୍ଧ ହେବି ନାହିଁ ପ୍ରଭୁ
ରହି ଥାଅ ମୋ ଅନ୍ତରେ
ନରକର ଦ୍ୱାର କାମ ,କ୍ରୋଧ ଦୁଇ
କହିଥିଲ ତୁମେ ଗୀତାରେ ବୁଝାଇ
କ୍ରୋଧ କଲିଜାକୁ ଜାଳି ଖାଇ ଦିଏ
କ୍ରୋଧର ଅଗ୍ନି ମନେ ଜଳୁ ଥାଏ
କ୍ରୋଧ ଅନଳ କୁ ଲିଭାଅ ହେ ପ୍ରଭୁ
ତୁମ ପ୍ରେମ ବାରିଧିରେ
ପ୍ରତି ପାଦେ ପାଦେ ବିପଦ ଆସୁଛି
ସାହା ଭରସା ମୋ କେହି ନ ହୋଇଛି
ଚିନ୍ତାର ଚିତାରେ ମଣିଷ ଜଳୁଛି
ବଞ୍ଚି ଥାଉ ଥାଉ କଷ୍ଟ ସେ ପାଉଛି
ଚିନ୍ତା ଦୁନିଆରୁ ପାରି କର ପ୍ରଭୁ
ରଖି ତୁମ ଶରଣରେ ।
