ଲାଇବ୍ରେରୀ
ପ୍ରୋଫାଇଲ୍
ନିଜସହ କଥାବାର୍ତ୍ତା
ନିଜସହ କଥାବାର୍ତ୍ତା
1 min
251
ଇଚ୍ଛାହୁଏ
ନୀଳ ଆକାଶର ଟିକି ତାରାଟିଏ ହୋଇ
ହସୁଥିବି
ବିନା ପରିଚୟ ନେଇ
ବରଷାର ବୁନ୍ଦା ହୋଇ ହଜାଇ
ନିଜର ସମ୍ପୂର୍ଣ ଅସ୍ତିତ୍ବ
ଛିଣ୍ଡାଇ ସମାଜର ସବୁ ସମ୍ପର୍କର ଶକ୍ତ ଶିକୁଳି
ସ୍ୱାଧୀନ ଆତ୍ମାର ସନ୍ଧାନେ
ନିଜକୁ ନିଜ ଭିତରେ ହଜାଇ
ଖୋଜିବି ନୂଆ ଜୀବନର ଆଲୋକ
ନଥିବ ହାରିବା ଜିତିବାର
ମିଛିମିଛିକା ପ୍ରତିଯୋଗିତା
ମମତାର ବନ୍ଧନେ
କାନ୍ଦିବେନି କେହି
କି ଝୁରିବେନି ବି କେହି ମୋ ମୃତ୍ୟୁର ଦୁଃଖରେ
ହିଂସା ଆଉ ପ୍ରତିହିଂସାର ନିଆଁରେ
ଜଳିବନି ମୋ ହୃଦୟ ଆଉ ମନ
ଆଶା ଆଉ ନିରାଶା ଭିତରେ ଥିବା
କିଛିବି ତଫାତ
କି ହାରିଲେ କି ଜିତିଲେ
କିଛି ବି ଫରକ ପଡ଼ୁନଥିବ
ସବୁ କିଛି ଥାଇ ବି
କିଛି ନ ଥିବ
ଆଉ କିଛି ନଥାଇ ବି
ସବୁ ପୁରିଲା ପୁରିଲା ଲାଗୁଥିବ l
