ଲାଇବ୍ରେରୀ
ପ୍ରୋଫାଇଲ୍
ନିଜକଥା
ନିଜକଥା
1 min
233
ଲେଖେ ଯେବେ ନିଜ କଥା ନିଜେ
ପଢେ ଯେବେ ନିଜ ଚିଠି ନିଜେ
ଗପେ ଯେବେ ନିଜ ସାଙ୍ଗରେ ନିଜେ
ସବୁ ଲାଗେ ବାଲୁକା ମୟ ଭଗ୍ନ ସ୍ତୁପଟିଏ,
ମରୁଭୂମିର ମରୁବାଲି
ମରୀଚିକା ପ୍ରହେଳିକା, କୁହେଳିକା
ଯାହାବି କହିଲେ ଠିକ ହେବ
କାଚ ଆଇନା ଭଳି ଏଠି
ହୃଦୟ ଯଦି ଭାଙ୍ଗେ କେବେ
ମୁଁ ବି ତ ଭଙ୍ଗା ଆଇନା ପାଲଟି ସାରିଛି,
ଅଦୃଷ୍ଟ ଯାତନାର ଅଜଣା ଇଲାକାରେ
ଭଗ୍ନ ବାରବାଟୀ ଜୀବନଟା
ଖୋଜେ ଏମିତି ଏକ ମଣିଷ ଯିଏ
ମନ କଥା ବୁଝି ପାରୁଥିବ କିନ୍ତୁ
ଏଠି ଅବ୍ୟକ୍ତ ଭାଷା ବି ବ୍ୟକ୍ତ କରି ହୁଏନି,
ଚିଠି ବି ତ ଅପଢା ରହେ,
ସବୁ କିଛି ଲାଗେ ଭଗ୍ନ ବାରବାଟୀ ll
