ବାଜି

ପକ୍ଷ ଛେଦନ ପକ୍ଷୀଟିଏ ସିନା ମୁଁ 
ହେଲେ ଆକାଶ ମତେ ଆଲିଙ୍ଗନ କରେ 
ଡେଣା ମେଲି ଉଡିବାକୁ ଆକାଶର 
ପ୍ରଶସ୍ତ ବୁକୁରେ, ଯନ୍ତ୍ରଣା ନୁହେଁ 
ଏକ କମ୍ପଲସରି ସବଜେକଟ 
ଲୁହ ବି ଭାଷା ଲହୁ ବି ଭାଷା 
ଲହୁରେ ଲେଖେ ଯେବେ 
ଲୁହର କବିତା, ଜୀଵନ 
ସାର୍ଥକ ଟ୍ରାଜେଡି ହୁଏ ସିନା
ଆଉ ସେହି ଟ୍ରାଜେଡି ଜୀଵନ 
ର ମୁଁ ନାୟିକା ହୁଏ 
ତଥାପି ମୁଁ ହାରିନି 
ଜୀଵନ ଯୁଦ୍ଧରେ 
ଲଢ଼ିବାକୁ ବାଜି ଜୀବନର 
ମୁଁ ଅଗ୍ରଣୀ ଯୋଦ୍ଧାଟିଏ 
ତମେ ସିନା ଗାଇଦେଲ 
ମୋ ଯନ୍ତ୍ରଣା ର ଗୀତ 
ମୁଁ କିନ୍ତୁ ଏବେ ଲହୁ 
ଲୁହ ପି ଦେଇ 
ଦୁଃଖ ସବୁକୁ ସୁଖର 
ସର୍ବତ ଭାବି ପିଇଦେଇ 
ଫେଣ୍ଟିଛି ପିଇଛି 
ଯନ୍ତ୍ରଣା ର ସର୍ବତ 
କିନ୍ତୁ ଜୀବନଟା ବାଜି 
ମୁଁ ଯୋଦ୍ଧାଟିଏ ଅଗ୍ରଣୀ 
ଜିତିବାକୁ ବାଜି ଜୀଵନ ର....